KR hefur unnið 17 einvígi í röð
Íslandsmeistarar síðustu fimm ára, KR, tryggðu sér sæti í úrslitum Domino's deildar karla í körfubolta með sigri á Þór í Þorlákshöfn, 93-108, í gærkvöldi.
Þetta er sjötta árið í röð sem KR kemst í úrslit um Íslandsmeistaratitilinn. Það ræðst á Skírdag hvort Stjarnan eða ÍR verður mótherji KR í úrslitunum.
KR hefur nú unnið 17 einvígi í röð í úrslitakeppni karla, eða öll einvígi sín frá vorinu 2014. KR tapaði síðast einvígi fyrir Grindavík, 3-1, í undanúrslitunum 2013.
Frá 2014 hefur KR leikið 65 leiki í úrslitakeppninni, unnið 51 og tapað 14. KR-ingar hafa ekki tapað leik í 8-liða úrslitum á þessum tíma og aðeins þrisvar sinnum farið í oddaleik.
KR hefur unnið fjögur einvígi gegn Grindavík, þrjú gegn Njarðvík, tvö gegn Keflavík, Tindastóli og Haukum og eitt gegn Snæfelli, Stjörnunni, Þór Ak. og Þór Þ.
Einvígi KR í úrslitakeppninni 2014-19:
2014:
KR 3-0 Snæfell
KR 3-1 Stjarnan
KR 3-1 Grindavík
2015:
KR 3-0 Grindavík
KR 3-2 Njarðvík
KR 3-1 Tindastóll
2016:
KR 3-0 Grindavík
KR 3-2 Njarðvík
KR 3-1 Haukar
2017:
KR 3-0 Þór Ak.
KR 3-1 Keflavík
KR 3-2 Grindavík
2018:
KR 3-0 Njarðvík
Haukar 1-3 KR
Tindastóll 1-3 KR
2019:
Keflavík 1-3 KR
KR 3-1 Þór Þ.
?
Tengdar fréttir
Kristófer: Fórum ekki inn í skel og urðum litlir
KR er komið í úrslitaeinvígi Domino's deildar karla í körfubolta eftir sigur á Þór frá Þorlákshöfn í fjórða leik liðanna í undanúrslitum.
Umfjöllun og viðtöl: Þór Þ. - KR 93-108 │KR tryggði sig í úrslit
KR tryggði sig í úrslitaviðureign Domino's deildar karla í körfubolta með sigri á Þór Þorlákshöfn í Þorlákshöfn.
