Fótbolti

Villarreal skoraði þrjú mörk í Rússlandi

Ástrós Ýr Eggertsdóttir skrifar
Villarreal er nokkuð öruggt áfram
Villarreal er nokkuð öruggt áfram vísir/epa
Villarreal er komið í 8-liða úrslit Evrópudeildarinnar nema Zenit takist að töfra fram kraftaverk í seinni leik liðanna. Slavia Prag náði í sterkt jafntefli gegn Sevilla.

Villarreal mætti til Rússlands og svo gott sem kláraði einvígið gegn Zenit með 3-1 sigri.

Vicente Iborra skoraði fyrsta mark leiksins með skalla á 33. mínútu en heimamenn jöfnuðu tveimur mínútum seinna og staðan var jöfn í hálfleik.

Geard Moreno kom gestunum aftur yfir á 64. mínútu og Manu Morlanes bætti þriðja markinu við á 71. mínútu. Zenit þarf því að skoða að minnsta kosti þrjú mörk á Spáni til að eiga möguleika.

Slavia Prag mætti til Spánar og lék við Sevilla. Þeim leik lauk með 2-2 jafntefli og tékkneska liðið er því í nokkuð þægilegri stöðu fyrir seinni leikinn.

Dinamo Zagreb vann eins marks sigur á Benfica á heimavelli og Frankfurt gerði markalaust jafntefli við Inter Milan.




Fleiri fréttir

Sjá meira


×