Byrjunarliðið gegn Eistlandi: Sjö breytingar frá jafnteflinu gegn Svíum

Ísland leikur í dag síðari æfingaleik liðsins í Katar. Í dag er andstæðingurinn Eistland og hefst leikurinn klukkan 16.45 að íslenskum tíma.

Á föstudaginn gerði íslenska liðið 2-2 jafntefli við Svía en Jón Dagur Þorsteinsson, leikmaður Vendsyssel, jafnaði metin fyrir Ísland í uppbótartíma. Óttar Magnús Karlsson skoraði fyrra mark Íslands.

Sjö breytingar eru frá jafnteflinu gegn Svíþjóð en þeir Birkir Már Sævarssn, Hjörtur Hermannsson, Óttar Magnús Karlsson og Guðmundur Þórarinsson eru þeir einu sem halda sæti sínu.

Liðið í dag er ungt í bland við reynslumikla leikmenn en yngsti leikmaðurinn er hinn nítján ára gamli Kolbeinn Birgir Finnsson, leikmaður Brentford.

Byrjunarliðið í heild sinni má sjá hér að neðan.

Byrjunarlið Íslands gegn Eistlandi:

Ingvar Jónsson (M)

Birkir Már Sævarsson (F)

Hjörtur Hermannsson

Axel Óskar Andrésson

Davíð Kristján Ólafsson

Kolbeinn Birgir Finnsson

Aron Elís Þrándarson

Guðmundur Þórarinsson

Jón Dagur Þorsteinsson

Hilmar Árni Halldórsson

Óttar Magnús Karlsson