Sjáðu hundrað prósent íslenskt sigurmark í áströlsku deildinni

Gunnhildur Yrsa Jónsdóttir tryggði Adelaide United 1-0 sigur á Brisbane Roar í lokaleik deildarkeppninnar í áströlsku kvennadeildinni.

Gunnhildur Yrsa var þarna að skora fyrsta markið sitt á tímabilinu en hún hefur spilað stórt hlutverk á miðju Adelaide United liðsins.

Sigurmarkið verður ekki íslenskara því Gunnhildur Yrsa skoraði það með laglegum skalla eftir fyrirgjöf frá Fanndísi Friðriksdóttur en það má sjá það hér fyrir neðan.

.@Gunnhildur_Yrsa with the winner! Well taken header from a perfect @fanndis90 cross. Made in Iceland. #AUFC#ADLvBRI#WLeague

@FOXFOOTBALLpic.twitter.com/LWdpY0AQO5

— AUFC Women (@AUFCWomen) February 1, 2019

Þetta var fimmti sigur Adelaide United á leiktíðinni en hann dugaði ekki liðinu til að komast í úrslitakeppnina. Liðið vann aftur á móti báða leiki sína á móti Brisbane Roar sem er í öðru sæti deildarinnar.