Tap í öðrum leik Victors í Þýskalandi

Guðlaugur Victor Pálsson spilaði allan leikinn á miðsvæðinu fyrir Darmstadt, 3-2, sem tapaði 3-2 fyrir Duisburg á útivelli í kvöld.

Victor og félagar voru tveimur mörkum undir eftir 25 mínútru eftir að Kevin Wolze og Norðmaðurinn Havard Nielsen skoruðu.

Stanislav Iljutcenko skoraði þriðja mark Duisburg eftir klukkustund en Soren Bertram og Christoph Moritz náðu að klóra í bakkann fyrir Darmstadt áður en yfir lauk.

Darmstadt er í þrettánda sæti deildarinnar með 22 stig og eru sex stigum frá fallsæti en Duisburg er í sextánda sætinu.