Liverpool mun spila við AS Roma í undanúrslitum Meistaradeildar Evrópu en dregið var nú fyrir hádegi.
Liverpool mun spila fyrri leikinn á heimavelli en síðari leikurinn fer fram í Rómarborg. Rómverjar pökkuðu Barcelona saman í Róm í vikunni. Í hinni rimmunni mætast risarnir Bayern og Real Madrid. Fyrri leikurinn fer fram í Þýskalandi.
Fyrri leikirnir fara fram 24. og 25. apríl. Síðari leikirnir eru svo 1. og 2. maí. Sjálfur úrslitaleikurinn í Kænugarði verður spilaður þann 26. maí.
Undanúrslit:
FC Bayern - Real Madrid
Liverpool - Roma
