Griezmann áfram hjá Atletico

Antoine Griezmann, miðjumaður Atletico Madrid, mun ekki yfirgefa Atletico í sumar en þetta tilkynnti hann í kvöld.

Griezmann var með athygliverða sjónvarpsútsendingu nú undir kvöld þar sem hann staðfesti að hann verði áfram hjá Madrídar-liðinu.

Barcelona hafði lagt allt í sölurnar til þess að klófesta Frakkann en það heillaði ekki Griezmann nægilega mikið sem verður áfram hjá Atletico.

Þar hefur hann leikið síðan 2014 en hann nálgast 150 leiki fyrir félagið. Hann var í liðinu sem tapaði fyrir grönnunum í Real í úrslitaleik Meistaradeildarinnar 2015 og einnig sem vann Evrópudeildina á síðustu leiktíð.

Hann er nú í Rússlandi með franska landsliðinu þar sem liðið undirbýr sig fyrir HM en þeir eru með Ástralíu, Danmörku og Perú í riðli.

Mi afición, mi equipo, MI CASA! @atleti

Mes supporters, mon équipe, MA MAISON ! @AtletiFR

My fans, my team, MY HOME!!! @atletienglish pic.twitter.com/ByD8Cju5Yb

— Antoine Griezmann (@AntoGriezmann) June 14, 2018