Fótbolti

Zlatan verður áfram hjá Galaxy

Ástrós Ýr Eggertsdóttir skrifar
Zlatan gerði það gott í MLS-deildinni á leiktíðinni.
Zlatan gerði það gott í MLS-deildinni á leiktíðinni. vísir/getty
Zlatan Ibrahimovic verður að minnsta kosti eitt tímabil til viðbótar hjá LA Galaxy í MLS deildinni í Bandaríkjunum.

Sænski framherjinn er orðinn 37 ára gamall en virðist enn vera í fullu fjöri og skoraði hann 22 mörk í 27 leikjum í deildinni á nýliðnu tímabili.

Ibrahimovic kom til Los Angeles í mars eftir að hafa komist að samkomulagi við Manchester United um að rifta samningi hans við enska félagið.

AC Milan var sagt hafa áhuga á að fá framherjann til sín en hann hefur nú skrifað undir samning við Galaxy út næsta tímabil samkvæmt frétt BBC.

Zlatan svo gott sem staðfesti fréttirnar sjálfur þegar hann setti myndband á Twitter í dag með skilaboðunum: „MLS ég er ekki búinn enn.“







Fótbolti

Mest lesið


Fleiri fréttir

Sjá meira


×

Mest lesið