Haustspá Siggu Kling – Nautið: Mikill kraftur til þess að heilla sjálfan þig og aðra

Elsku Nautið mitt, þú hefur svo mikið val um það hvort þú sjáir lífið í lit eða þú látir það gamla alltaf hamra á þér, þreytu og vesen og ef það er búið er það ekki til, innst inni ertu að leita að nýjum lífstíl og þú veist alveg hvernig þú getur fengið þann lífstíl sem þú óskar þér.

Á þessu tímabili þarftu að umfaðma skoðanir fólks í kringum þig og sjá að kannski er einhver annar með lausnina að því sem þú vilt. Ef þú skoðar vel ertu búinn að loka stórri hurð og þú stendur eins og með lífslykilinn um hálsinn og sá lykill getur opnar nýjar dyr en þú verður að þora því að það er grunnskilyrðið til því að þú fáir það sem þú vilt.

Þú hefur sterka löngun til þess að færa þig til, breyta staðsetningu í vinnu, heimili, skóla eða í tilfinningum. Þú hefur aflið til þess að gera öll þessi atriði stórkostleg, því það er þitt að gera það. Ef þú gerir vinnuna hamingjusama gerir hún þig hamingjusaman, ef þú gerir heimilið hamingjusamt gerir heimilið þig hamingjusaman og svo framvegis.

Það er yfir þér svo mikill kraftur til þess að heilla sjálfan þig og aðra, en þú hefur líka aflið til þess að breyta þessu í neikvæðni, en með því verður þú einfaldlega veik manneskja í huga eða líkama. Ef þú finnur fyrir óútskýranlegum verkjum eru skilaboðin þau að allir verkir koma af þunglyndi eða kvíða sama hversu sterkt Naut þú ert.

Þínir miklu samskiptahæfileikar í ástarsamböndum og vináttu munu einkenna þig á næstu mánuðum, það eina sem þú þarft er að steinhætta að nöldra yfir hinu eða þessu; yfir lífi þínu hefur þessi setning verið svo sterk, þetta bjargast og hefur alltaf það gert það.

Þú skalt ekki halda í eina mínútu þú sért að upplifa undarlegar tilviljanir, það er ástæða fyrir öllu og eftir því sem þú skilur það betur þá nærðu betur að stjórna líðan þinni, vera hamingjusamur og það er einfaldlega tilgangur þinn. Þú ert þar með að fara inn í hamingjuríkt tímabil sem er eins og hápunktur ársins sem gefur þér leyfi til að sleppa fram af þér beislinu, því ef þú skoðar þegar nautunum er hleypt út á vorin gera nákvæmlega það, því frelsið er lykillinn. 

Fræg Naut: Aron Einar Gunnarsson fyrirliði íslenska knattspyrnulandsliðsins, Hannes Þór Halldórsson markvörður, Ari Freyr Skúlason landsliðsmaður, Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon, Addi Exos dj-snillingur, Davíð Rúnar Bjarnason, boxari, Þórunn Pálsdóttir fasteignasali, Silla Páls ljósmyndari og listamaður.