Jólaspá Siggu Kling - Sporðdrekinn: Hættu að tala niður til þín og lemja þig með svipunni

Elsku Sporðdrekinn minn, það er til þessi setning sem akkúrat passar við þig þessa dagana: „Stundum þarf maður að feika það til að meika það“ og alveg sama hvað gerist skaltu halda andlitinu og sýna umheiminum að þú hefur styrkinn og viljann til að halda áfram að dafna þó þér finnist innst í hjartanu þú sért að gefast upp.

Ef þú skoðar sjálfan þig aðeins betur þá gefstu aldrei upp, þú hættir kannski við eitt og annað og byrjar á einhverju allt öðru en þú bjóst við, það kallast bara að læra, efla sjálfan sig og finna út hver maður er. 

Það hefur verið mikið álag á þér og enginn tími til að spá í hvort maður sé þreyttur eða lífið sé ekki jákvætt og þú sért alveg að bugast, en það er svo sannarlega ekki að gerast hjartað mitt, heldur nákvæmlega núna ertu að finna sterkan tilgang fyrir hamingjuni því það má skipta um skoðun og breyta um stefnu því allur þessi farvegur sem þú hefur verið í mun nýtast þér til þess að ná þeim árangri sem þú krefst af sjálfum þér.  Svo hættu að tala niður til þín og lemja þig með svipunni, er ekki er komið nóg?

Þú ert að fara inn í tíma þar sem þú munt finna leiðir til að tjá þig betur og njóta þess virkilega að vera í félagsskap við aðra. Það eru svo margir sem kunna að meta þig og þurfa á þér að halda því þú hefur svo sterkt innsæi og djúpan skilning.

Þér mun leiðast dramatík í ástinni og þessvegna hangir þú oft of lengi í samböndum sem eru ekkert að gera fyrir þig, þetta á ekki við alla sem eru í þessu stjörnumerki, heldur bara þá sem lesa þessi orð og hugsa já það er ég. Þá þarftu að bæta, blessa eða brjóta sambandið því þú hefur kraft til að setja svo sterkar áætlanir á lífsplanið þitt að þú munt koma sjálfum þér á óvart. Þetta tímabil mun verða eins og lottóvinningur þó þú sért handviss um að þú hafir ekki keypt miða.

Frægir Sporðdrekar: Birkir Már Sævarsson landsliðsmaður, Dísa í World Class, Helga Braga Jónsdóttir leikkona, Björk Guðmundsdóttir söngkona, Scarlett Johansson leikkona, Whoopie Goldberg leikkona, Sigríður Elva Vilhjálmsdóttir sjónvarpskona, Emmsjé Gauti rappari, Björk, Indira Ghandi, Karl bretaprins, Hillary Clinton, Leonardo DiCaprio, Magnús Scheving, Steingrímur Sævarr Ólafsson fjölmiðlaráðgjafi, Guðný Hrefna Sverrisdóttir, flugfreyja og gourmé kokkur, Hörður Ágústsson Macland snillingur, Indira Gandhi, Guðrún Ásmundsdóttir og Calvin Klein.