Michael Palin og Twiggy öðluð af drottningunni

Gefinn hefur verið út listi þeirra bresku ríkisborgara sem heiðruð verða af Elísabetu II. Englandsdrottningu á nýársdag. Leikarinn Michael Palin úr Monty Python og söngkonan Twiggy eru meðal þeirra sem sæmd verða riddaratign. BBC greinir frá.

Fleiri verða þó heiðraðir en fjöldi þekktra einstaklinga fá heiðursnafnbót um áramótin. Kanadíski rithöfundurinn Margaret Atwood sem þekktust er fyrir bók sína „The Handmaids Tale“ hlýtur svokallaða Companions of Honour orðu fyrir framlag sitt til bókmennta. Gareth Southgate, þjálfari enska karlalandsliðsins í knattspyrnu hlýtur OBE orðu og fyrirliði liðsins, Harry Kane, hlýtur MBE orðu.

Leikkonan Thandie Newton sem hlaut BAFTA verðlaun árið 2004 fyrir hlutverk sitt í Crash verður sæmd OBE og sama gildir um Downton Abbey leikarann Jim Carter en hann leikur brytann Charles Carson.

Á listanum eru alls 1148 manns, 53% þeirra eru karlkyns. Meðal þeirra karla eru þeir Richard Stanton og John Volanthen sem komu að björgun tælensku fótboltastrákanna í júlí.

Leikstjórinn Christopher Nolan hlýtur CBE orðu eins og Nick Mason, trommari Pink Floyd. Þrír breskir þingmenn voru einnig sæmdir riddaratign, tveir úr Íhaldsflokknum og einn úr Verkamannaflokknum. Drottningin veitir einnig hinum 14 ára Joe Rowland sem bjargaði föður sínum frá drukknum verðlaun fyrir hugrekki

Sjá má útskýringar á orðuveitingaferlinu og hinum fjölmörgu gerðum á vef BBC.