Tók ástfóstri við bjargvætt sinn í rústunum í Kaliforníu

Ryan Coleman er einn þeirra slökkviliðsmanna sem hefur undanfarnar vikur unnið björgunarstörf vegna skógarelda í Kaliforníu.

Meðal þeirra sem Coleman bjargaði úr rústum bæjarins Paradise var grár köttur sem virtist taka ástfóstri við bjargvætt sinn og kom sér vel fyrir á öxlum Coleman á meðan hann hélt störfum sínum áfram og nuddaði sér upp við andlit slökkviliðsmannsins.

Coleman birti myndir og myndbönd af sér og kisa litla á Facebook síðu sinni og hefur færslan vakið mikla athygli um heim allan. Hann segist þó ekki hafa tekið köttinn að sér, þó hann hafi gjarnan viljað það, enda hafi hann þurft að halda björgunarstarfinu áfram.