Ýtni fótboltapabbinn fer víða

Milljónir manna hafa séð myndband af ýtnum fótboltapabba. Myndbandið er frá fótboltaleik þar sem strákar undir átta ára aldri etja kappi. Pabbi markmannsins, Phil Hatfield, hjá öðru liðinu hafði ákveðið að vera hjá markinu og var að hvetja son sinn áfram. Það var hins vegar ekki nóg því hann ákvað að ýta stráknum sínum til þess að koma í veg fyrir mark.

Meira en 18 milljónir manna hafa nú séð myndbandið og hefur það verið sýnt víða en sjónvarpsstöð í Ástralíu hefur meðal annars sýnt það. Phil Hatfield faðir hins sex ára gamla Osian segir að í framtíðinni muni hann halda sig á hliðarlínunni og þegja.

Þjálfari liðsins viðurkenndi að hann hafi misst af markinu því hann lá í hláturkasti yfir atvikinu.

Myndbandið af atvikinu má sjá hér að neðan.