Gylfi ekki með gegn Belgíu og Katar

Gylfi Þór Sigurðsson mun ekki spila með landsliði Íslands í leikjunum tveimur gegn Belgíu og Katar á næstu dögum. Gylfi meiddist á ökkla í leik Everton í gær.

Knattspyrnusambandið staðfesti þetta nú rétt í þessu. Gylfi bætist við langan lista leikmanna sem eru að glíma við meiðsli og verða ekki með liðinu.

Jóhann Berg Guðmundsson meiddist einnig um helgina og varð að draga sig úr hópnum. Þá eru Emil Hallfreðsson, Jón Daði Böðvarsson, Ragnar Siguðrsson, Björn Bergmann Sigurðarson, Rúnar Már Sigurjónsson og Hólmar Örn Eyjólfsson allir meiddir.



Gylfi fer í myndatöku í dag samkvæmt frétt mbl.is þar sem alvarleiki meiðslanna verður skoðaður.

Ísland mætir Belgíu í lokaleik Þjóðadeildarinnar á fimmtudaginn, 15. nóvember, og spilar vináttulandsleik við Katar þann 19. nóvember.

Gylfi Þór Sigurðsson er meiddur og verður ekki með A landsliði karla í leikjunum tveimur sem eru framundan - gegn Belgíu og Katar. Gylfi Sigurdsson is injured and will not join the @footballiceland squad ahead of @UEFAEURO match vs @BelRedDevils on Nov 15th. pic.twitter.com/Leg401mfNh

— Knattspyrnusambandið (@footballiceland) November 12, 2018