Stjörnuspá Siggu Kling – Vogin: Komdu þér þá út úr þeim aðstæðum

Elsku Vogin mín, lífið er fyrir framan þig á silfurfati, svo ekki vera að tuða yfir einhverri vitleysu og láta líðan þína koma niður á þeim sem þú virkilega elskar. Lífið þitt er eins og Dóná (Don River) merkilegasta á í Evrópu, stórkostlega falleg og kraftmikil, en getur átt það til að breytast á báða vegu og flæða yfir bakka sína.

Erfiðleikarnir sem að þér steðja núna eru englar í dulargervi og allt mun breytast hratt til hins betra á næstu 30 dögum og þú gætir landað stórum viðskiptasamningi því allt í sambandi við bissness er svo sterkt í stjörnukortinu þínu þessa dagana.

Það er svo margt að gerast í huga þínum þessa dagana, eins og þar búi heill her af allskyns röddum og þú þarft að læra það að hætta að hugsa, allavega í klukkutíma á dag. Hvernig hættir maður að hugsa? Þú kannski horfir á sjónvarpið og setur athygli á það, þá heyrirðu minna í öllum litlu köllunum sem eru að rugla í þér. Þú getur valið þér hvað sem er, farið út að hlaupa, á hestbak, dansa magadans og svo framvegis, allt sem lætur þig hafa kyrran huga kemur hamingjunni í fyrsta gír.

Ef þér finnst þú vera uppgefin, þá er það bara út af aðstæðum, komdu þér þá út úr þeim aðstæðum, þú getur það því það er frelsi, fegurð og hjartahlýja sem mun umlykja þig þegar lengra dregur fram á nóvember mánuð.

Það er svo margt jákvætt að gerast fyrir þig og margt fagurt að koma upp í hendurnar á þér og þú hefur svo sannarlega hæfileikana að elska af lífi og sál, en ekki hræðast ástarsorg því hún er bara sönnun þess að þú hafir elskað. Það eru margir leitandi að ástinni í Voginni, hún er nær þér en þú heldur, en ekki sækjast samt eftir dramatískri ást sem heltekur og gerir bara vitleysur.

Knús og kossar, þín Sigga Kling

Frægir í Voginni: Kári Árnason landsliðsmaður, Glúmur Baldvinsson stjórnmálafræðingur, Hjalti flugþjónn, Ingi í Sign, Jón Axel Ólafsson athafnamaður, Matt Damon leikari, Íris Berg, fatahönnuðurinn minn, Mary Poppins, Svanhildur Hólm Valsdóttir, aðstoðarmaður ráðherra og sjónvarpskona, Hanna Birna Kristjánsdóttir, Lilja Dögg Alfreðsdóttir alþingiskona, Ósk Gunnarsdóttir útvarpskona, María Einarsdóttir ritari stjörnuspánnar, Arnþrúður Karlsdóttir útvarp Saga, Skúli Mogensen, Hulda Hólmkelsdóttir fréttakona, Walter Matthau, Olavia Newton John, Ragga Gísla, Steinn Steinarr, Margret Thatcher, Ragnheiður Elín Árnadóttir, hinn mikli meistari.