Stjörnuspá Siggu Kling – Steingeitin: Ert að undirbúa þig undir svo merkilegar ákvarðanir

Elsku Steingeitin mín, það eru magnaðir hlutir að fara að birtast þér en það getur komið niður á þér hvað þú færist mikið fang og þráast við að setja þér mörk, en það mun valda þér pirringi, pirringurinn valda þér reiði og þá missirðu máttinn.

Hentu þeim verkefnum eða þeirri vinnu út sem mun aldrei gefa þér góða útkomu og þá geturðu skautað áfram eins og Oksana Domnina sem er heimsfrægur skautari. Að sjálfsögðu er lífið búið að vera eins og æfing, þú ert að æfa þig að ná þessari fullkomnun sem þú sækist eftir. Æfingarnar eru að sjálfsögðu misjafnar, stundum gerirðu vel og stundum er allt í fokki. Þó það sé æfingin sem skapar meistarann, er það er aukaæfingin sem skapar heimsmeistarann.

Trygglyndi og trúfesta við hina sönnu vini þína skiptir öllu máli og þú ert akkúrat að fara inn í tímabil þar sem vinátta, ást og gleði eru að kalla á þig. Þú ert að sigla inn í nýtt ár og þegar nýja árið heilsar þá ertu annaðhvort búin eða ert að fara að eiga afmæli, að sjálfsögðu.

Þú ert að undirbúa þig undir svo merkilegar ákvarðanir sem eru komnar í huga þinn og jafnvel fyrir löngu síðan, þú átt eftir að taka áhættu á næstu tveimur til þremur mánuðum sem mun blessast svo vel og þú munt sjá í þér þann sanna heimsmeistara sem þú ert.

Ef þú ert æst í að láta ástina vera aðalatriðið þá skaltu vinna að því eins og það væri lokaritgerðin þín í háskólanum, vera á tánum og gefa frá þér eins og enginn væri morgundagurinn. Þú munt skynja það svo vel hvað er ást og hvað er ekki ást og tengja þig við að lifa fyrir það og þá sem þú elskar, „Live what you Love“.

Knús og kossar, þín Sigga Kling

Frægar Steingeitur: Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir og Davíð Oddsson, Jón Gnarr, Elvis Presley, Gunnar Þórðarson, Tómas Guðbjartsson læknahetja, Lovísa Tómas, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni, Óttar Proppé, Ingveldur Ægissdóttir módir og kvunndagshetja, Hendrika Waage hönnuður, Laddi, Jóhann K. Jóhannsson fréttamaður.