Haustspá Siggu Kling – Sporðdrekinn: Hefur einstakan húmor

Elsku Sporðdrekinn minn, þú ert elskuleg persóna en hleypir engum auðveldlega að þér, ert bardagamanneskja sem berst fyrir réttlæti. Það hafa komið tímar sem þér hefur fundist þú hafir ekki getað gengið eitt skref enn, eins og þú hefur tapað einhverjum bardaga í lífi þínu og þegar þetta gerist ríkir kaós í huga þínum og í þinni andlegu orku. Þú skalt nota húmorinn til að gera grín jafnvel að sjálfum þér og erfiðum tímabilum því að þegar þú getur hlegið að þessu og erfiðu samböndunum þá hverfa þau.

Þú hefur einstakan húmor sem ekki allir skilja og það er bara gott og sýnir hvað þú tekur tilfinningar alvarlega, þar af leiðandi geta ástarsambönd sem þú lítur á sem mjög heilög vera alls ekki það sem þú bjóst við. En drekinn í þér berst fyrir því að lífið sé eins og þú vilt hafa það eða eins og þú heldur þú viljir hafa það, svo ef þér finnst ekkert hafa breyst í langan tíma þá þarftu að hafa hugrekki til að stökkva út úr þægindarammanum og treysta því lífið muni leysa það – á hverjum degi bið ég lífið um að leysa fyrir mig vandamál, ég trúi á hið almáttuga eða máttinn í öllu, jörðinni, grasinu eða öllu sem er á lífi í kringum okkur.

Þetta er oft eða getur verið nokkurskonar þráhyggja og ef þú skoðar orðið þráhyggja þýðir það að hugsa stanslaust um það sem þú þráir sé það sem þú vilt. Í öllu þessu segi ég við þig sýndu tilfinningar, ekki hafa ótta við að sýna þig, lærðu að treysta öðrum og leggðu niður bardagavopn þín.

Afbrýðisemi og erfiðar hugsanir eru bara tengd sjálfstrausti þínu og þá er bara að treysta sjálfum þér. Um leið og þú treystir þá fyllistu hamingjunni. Þetta er mjög merkilegur vetur sem er að birtast þér því það er eins og þú sért að byggja hús, ert að erfiða við grunninn, sérð ekki hvernig þú ferð að því að byggja þetta hús, sem er að sjálfsögðu lífið sjálft.

Þú finnur strax þegar þessu ári líkur að þú hafir leyst fleiri verkefni og tekið fleiri áskoranir sem þú ert sigurvegari í að þetta ár er búið að vera maraþon og þegar því líkur sérðu að þú ert fyrstur í mark.

Frægir Sporðdrekar: Birkir Már Sævarsson landsliðsmaður, Dísa í World Class, Helga Braga Jónsdóttir leikkona, Björk Guðmundsdóttir söngkona, Scarlett Johansson leikkona, Whoopie Goldberg leikkona, Sigríður Elva Vilhjálmsdóttir sjónvarpskona, Emmsjé Gauti rappari, Björk, Indira Ghandi, Karl bretaprins, Hillary Clinton, Leonardo DiCaprio, Magnús Scheving, Steingrímur Sævarr Ólafsson fjölmiðlaráðgjafi, Guðný Hrefna Sverrisdóttir, flugfreyja og gourmé kokkur, Hörður Ágústsson Macland snillingur, Indira Gandhi, Guðrún Ásmundsdóttir og Calvin Klein.