Sumarspá Siggu Kling – Meyjan: Aðlaðandi og sexý orka

Elsku Hjartans Meyjan mín, þú ert svo umhyggjusöm og finnur út með ótrúlegustu hugmyndaauðgi hvernig þú getur hjálpað og bætt allt fyrir öðrum. Þú hefur líka þennan ótrúlega X-factor að gera töfra fyrir aðra og fá fólkið í kringum þig til að skína. Þú hefur miklu meiri þolinmæði en þú gerir þér grein fyrir en þolinnmæðin getur komið  þér í vanda vegna þess þú getur efast um eigið ágæti og blossað upp í reiði gagnvart þeim sem ekki endilega eiga það skilið. Það er ekki hægt að segja þú sért mjög mannglögg elskan mín, en þú hefur lært svo mikið á því að gefa hjarta þitt þeim sem ekki kunna að meta það og ert miklu sterkari fyrir vikið.

Þú ert svo sannarlega í essinu þínu þegar fram koma nýjar hugmyndir og Júpíter hjálpar þér á næstu mánuðum til að taka þátt í þessu margbreytilega lífi og það er að kasta til þín mörgum tækifærum. Það eina sem þú þarft að spá í er að vera fljót að hugsa, nýta þér aðstæður til þess að skreyta líf þitt enn meira. 

Þessi aðlaðandi og sexý orka sem þú hefur lætur marga öfunda þig og að sjálfsögðu munt þú finna til óöryggis en svoleiðis erum við öll sama hvaða merki skreytir okkur. Á þessu ári áttu eftir að takast á við mörg ólík störf, jafnvel á sama tíma og það kemur þér á óvart hvað lífið er að gefa þér, en ef þú skoðar vel þá varstu búinn að biðja um þessa braut.

Það er svo mikilvægt fyrir þig sem ert að leita að ástinni að finna helst einhvern gjörólíkan þér, þú græðir ekkert á því að vera með manneskju sem er alveg eins og þú því þá getur þú alveg eins verið ein með sjálfri þér.

Ástin er sú manneskja sem kemur með ólíka lífsreynslu og fær þig til að prófa svo ótalmargt sem þú hefur aldrei gert. Svo ég hlaupi úr einu í annað, þá verður þú líka svo frjálslynt foreldri, getur aðlagað þig að öllum aðstæðum. Eins er með vináttuna, það eru mjög ólíkir vinahóparnir þínir en þú elskar það, ný verkefni sem tengjast inn í vináttu eða einhverju sem þú bjóst alls ekki við kemur þér á óvart, svo mættu því fagnandi. Þetta gæti verið eitthvað sem er nú þegar búið að gerast en á eftir að hafa miklu sterkari áhrif en þú bjóst við.

Setningin þín elsku hjartað mitt er: Hrintu verkefnunum í framkvæmd, það gerir þig að forystu Meyju!

Ást og friður, þín Sigga Kling

Frægar Meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður, Selma Ragnars, fatahönnuður Íslands, Lalli Johns góðkunningi lögreglunnar, Sema Erla Serdar, baráttukona, Eydís Ósk hjúkrunarkona.