Madrídingar bera af í sterkustu keppni heims Kristinn Páll Teitsson skrifar 28. maí 2018 09:30 Gareth Bale fagnar ótrúlegu marki sínu. vísir/getty Fótbolti Real Madrid undir stjórn Zinedine Zidane komst í sögubækurnar í fyrra þegar liðinu tókst að verja titilinn í Meistaradeild Evrópu, fyrst allra liða. Þeir gerðu gott betur en það og unnu keppnina þriðja árið í röð um helgina og urðu um leið fyrsta liðið í 42 ár sem nær að vinna þessa sterkustu keppni heims þrjú ár í röð. Bayern München fór alla leið og vann Evrópukeppni meistaraliða þriðja árið í röð árið 1976 en Bæjarar þurftu aðeins að leika níu leiki í keppninni það árið, þar á meðal tvo gegn Real Madrid, áður en sigur gegn Saint-Etienne í úrslitunum kom titlinum aftur til Bæjaralands. Torsótt leið í úrslitaleikinn Efasemdaraddir heyrðust um Real Madrid meðan á tímabilinu stóð. Aðeins annað sæti í riðlakeppninni og svo gott sem úr leik í deildarkeppninni heima fyrir um áramótin, en gæðin í liðinu skiluðu því til Kænugarðs. Það verður ekki sagt að leiðin í úrslitaleikinn hafi verið auðveld, annað sæti í einum erfiðasta riðli keppninnar skilaði þeim einvígi gegn PSG í 16-liða úrslitum. Eftir að hafa bundið enda á drauma Parísar-manna biðu ítölsku meistararnir í Juventus sem Real Madrid marði sigur á og sendi úr keppninni annað árið í röð. Í undanúrslitunum beið þýska stálið, Bayern München, sem virtist óstöðvandi í þýsku deildinni undir stjórn Jupp Heynckes. Þrátt fyrir það höfðu Madrídingar kunnáttuna til að klára svona einvígi og fóru í úrslitaleikinn. Voru þeir búnir að senda meistara Frakklands, Ítalíu og Þýskalands úr keppninni þegar kom að úrslitaleiknum þar sem þeir mættu einu af fjórum toppliðum Englands.Engin miskunn á þessu stigi Þegar komið er að úrslitaleiknum má ekkert út af bregða ef lið ætla að vinna titilinn, því fékk Liverpool að kynnast. Eftir að hafa misst Mohamed Salah af velli vegna meiðsla var búið að draga nokkrar tennur úr ógnvekjandi sóknarleik liðsins. Mátti liðið því ekki við því að gefa Madrídingum mörk. Bítlaborgarmenn lentu undir þegar Karim Benzema nýtti sér hroðaleg mistök Loris Karius í marki Liverpool en voru fljótir að svara. Sadio Mane svaraði um hæl af stuttu færi eftir fast leikatriði og staðan var jöfn á ný. Þá munaði um að Madrídingar gátu kallað inn leikmenn á borð við Gareth Bale sem reyndist skilja liðin að á meðan Adam Lallana sem leysti Salah af hólmi náði engum takti. Bale kom Madrídingum yfir með stórbrotnu marki, hjólhestaspyrnu frá vítateigslínunni stuttu eftir að hafa komið inn á, óverjandi fyrir markvörð Liverpool. Hann hætti ekki þar heldur bætti við marki skömmu fyrir leikslok með skoti af 35 metra færi sem Karius blakaði í netið. Aftur verða stór spurningarmerki sett við þýska markmanninn þar, þó að flökt hafi verið á boltanum á leiðinni. Tvenn mistök hjá markmanni Liverpool og Madrídingar náðu að refsa í bæði skiptin en það reyndist banabiti Liverpool-manna. Seinna markið kom þegar tíu mínútur voru til leiksloka og Madrídingar settust aftar og leyfðu leiknum hægt og bítandi að klárast. Liverpool-menn með Mane fremstan í flokki reyndu að mása og blása en hús Real Madrid-manna stóðst allar tilraunir Liverpool-manna á seinustu tíu mínútum leiksins.Nýr stöðugleiki Madrídinga Real Madrid hefur í gegnum tíðina átt það til að ana að hlutunum og að fá inn stórstjörnur í bílförmum. Undir stjórn Zidane hefur Madrídingum tekist að skapa vel smurða vél sem þekkir hvað þarf til að vinna slík einvígi. Þekkja leikmenn hlutverk sín vel og gæðin eru það mikil að fá lið standast þeim snúning. Tefldi hann fram sama byrjunarliði gegn Liverpool og hóf úrslitaleikinn fyrir ári en það er aðeins í annað skiptið í sögu keppninnar sem það gerist. Ef farið er ári lengra til baka kemur í ljós að aðeins tvær breytingar áttu sér stað frá því að fyrsti titillinn af þremur vannst. Miðvörðurinn Pepe er farinn frá félaginu og tók Raphael Varane stöðu hans ásamt því að Bale þurfti að sætta sig við sæti á varamannabekknum undanfarin tvö ár eftir að hafa byrjað úrslitaleikinn 2016. Annars voru níu af þeim ellefu sem byrjuðu leikinn gegn Atletico Madrid árið 2016 í Mílanóborg í byrjunarliði Madrídinga um helgina. Það gæti verið komið að kynslóðaskiptum hjá Madrídingum og tími til að breyta. Bale og Ronaldo gáfu báðir misvísandi skilaboð um framtíð sína í viðtölum eftir leikinn. Í Madrídarborg þykir ekki ásættanlegt að horfa á eftir spænska meistaratitlinum til Barcelona og fær Zidane eflaust úr djúpum vösum að moða í sumar við að styrkja leikmannahópinn til að gera atlögu að þeim fjórtánda um leið.Sigursæll Zidane Zidane tók við liði Real Madrid eftir að Rafa Benitez var rekinn í janúar 2016 en það er óhætt að segja að þar hafi hafist ný gullöld hjá sigursælasta félagi keppninnar og spænsku deildarkeppninnar. Hefur hann stýrt liðinu í 875 daga en á þeim tíma hefur liðið unnið níu titla af þeim þrettán sem í boði voru. Reiknast það sem titill á 97 daga fresti eða rúmlega þriggja mánaða fresti sem er stórkostlegt afrek. Meistaradeild Evrópu Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport Chelsea Sambandsdeildarmeistari 2025 Fótbolti United niðurlægt í Malasíu Enski boltinn „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti Þeir bestu (3. sæti): Sannkallaður Benjamin Button Íslenski boltinn Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti Fleiri fréttir Stal senunni í fagnaðarlátum Arsenal „Ég set spurningarmerki við þennan tímapunkt“ Chelsea Sambandsdeildarmeistari 2025 Damir þakkar fyrir sig eftir stutta dvöl í Asíu Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Steinhissa á að leikmaður sinn væri mættur á úrslitaleikinn Fanndís kölluð inn í landsliðið eftir fimm ára fjarveru Leita til Liverpool að nýjum kollega Hákonar „Sumir þurftu því miður að yfirgefa svæðið“ Dómari í máli Maradona hættir vegna umdeildrar þátttöku í heimildaþáttaröð „Skeptískir að einhver Íslendingur gæti gert Brann að góðu fótboltaliði“ Þeir bestu (3. sæti): Sannkallaður Benjamin Button Hólmbert skiptir um félag Sagður undir áhrifum, pissa í klefa Roma og senda tvo á sjúkrahús Biðst afsökunar á afar ljótum ummælum í Árbæ Munda missir af landsleik vegna útskriftar úr Harvard Eiginkonurnar fljúga frítt á meðan starfsmennirnir sitja eftir heima Stuðningsmenn Chelsea köstuðu glösum og stólum í Póllandi „Ég er svo pirruð, ég er svo pirruð“ Nýr sex ára samningur hjá Lamine Yamal Jón Þór dæmdur í leikbann og þjálfari Árbæjar fékk fjóra leiki Bestu kaupin, nýyrði í boltanum og hver verður markakóngur? „Án Meistaradeildarinnar þurfum við ekki stóran leikmannahóp“ Missti markmannsstöðuna og hætti með landsliðinu Sævar Atli orðinn leikmaður Brann Þróttur geti klárlega landað titlinum: „Mér finnst þetta stórkostlegt lið“ Júlíus meiddur og Tómas tekinn inn í landsliðshópinn Ásakaður um að lemja leikmenn í unglingaliði Roma Sjá meira
Fótbolti Real Madrid undir stjórn Zinedine Zidane komst í sögubækurnar í fyrra þegar liðinu tókst að verja titilinn í Meistaradeild Evrópu, fyrst allra liða. Þeir gerðu gott betur en það og unnu keppnina þriðja árið í röð um helgina og urðu um leið fyrsta liðið í 42 ár sem nær að vinna þessa sterkustu keppni heims þrjú ár í röð. Bayern München fór alla leið og vann Evrópukeppni meistaraliða þriðja árið í röð árið 1976 en Bæjarar þurftu aðeins að leika níu leiki í keppninni það árið, þar á meðal tvo gegn Real Madrid, áður en sigur gegn Saint-Etienne í úrslitunum kom titlinum aftur til Bæjaralands. Torsótt leið í úrslitaleikinn Efasemdaraddir heyrðust um Real Madrid meðan á tímabilinu stóð. Aðeins annað sæti í riðlakeppninni og svo gott sem úr leik í deildarkeppninni heima fyrir um áramótin, en gæðin í liðinu skiluðu því til Kænugarðs. Það verður ekki sagt að leiðin í úrslitaleikinn hafi verið auðveld, annað sæti í einum erfiðasta riðli keppninnar skilaði þeim einvígi gegn PSG í 16-liða úrslitum. Eftir að hafa bundið enda á drauma Parísar-manna biðu ítölsku meistararnir í Juventus sem Real Madrid marði sigur á og sendi úr keppninni annað árið í röð. Í undanúrslitunum beið þýska stálið, Bayern München, sem virtist óstöðvandi í þýsku deildinni undir stjórn Jupp Heynckes. Þrátt fyrir það höfðu Madrídingar kunnáttuna til að klára svona einvígi og fóru í úrslitaleikinn. Voru þeir búnir að senda meistara Frakklands, Ítalíu og Þýskalands úr keppninni þegar kom að úrslitaleiknum þar sem þeir mættu einu af fjórum toppliðum Englands.Engin miskunn á þessu stigi Þegar komið er að úrslitaleiknum má ekkert út af bregða ef lið ætla að vinna titilinn, því fékk Liverpool að kynnast. Eftir að hafa misst Mohamed Salah af velli vegna meiðsla var búið að draga nokkrar tennur úr ógnvekjandi sóknarleik liðsins. Mátti liðið því ekki við því að gefa Madrídingum mörk. Bítlaborgarmenn lentu undir þegar Karim Benzema nýtti sér hroðaleg mistök Loris Karius í marki Liverpool en voru fljótir að svara. Sadio Mane svaraði um hæl af stuttu færi eftir fast leikatriði og staðan var jöfn á ný. Þá munaði um að Madrídingar gátu kallað inn leikmenn á borð við Gareth Bale sem reyndist skilja liðin að á meðan Adam Lallana sem leysti Salah af hólmi náði engum takti. Bale kom Madrídingum yfir með stórbrotnu marki, hjólhestaspyrnu frá vítateigslínunni stuttu eftir að hafa komið inn á, óverjandi fyrir markvörð Liverpool. Hann hætti ekki þar heldur bætti við marki skömmu fyrir leikslok með skoti af 35 metra færi sem Karius blakaði í netið. Aftur verða stór spurningarmerki sett við þýska markmanninn þar, þó að flökt hafi verið á boltanum á leiðinni. Tvenn mistök hjá markmanni Liverpool og Madrídingar náðu að refsa í bæði skiptin en það reyndist banabiti Liverpool-manna. Seinna markið kom þegar tíu mínútur voru til leiksloka og Madrídingar settust aftar og leyfðu leiknum hægt og bítandi að klárast. Liverpool-menn með Mane fremstan í flokki reyndu að mása og blása en hús Real Madrid-manna stóðst allar tilraunir Liverpool-manna á seinustu tíu mínútum leiksins.Nýr stöðugleiki Madrídinga Real Madrid hefur í gegnum tíðina átt það til að ana að hlutunum og að fá inn stórstjörnur í bílförmum. Undir stjórn Zidane hefur Madrídingum tekist að skapa vel smurða vél sem þekkir hvað þarf til að vinna slík einvígi. Þekkja leikmenn hlutverk sín vel og gæðin eru það mikil að fá lið standast þeim snúning. Tefldi hann fram sama byrjunarliði gegn Liverpool og hóf úrslitaleikinn fyrir ári en það er aðeins í annað skiptið í sögu keppninnar sem það gerist. Ef farið er ári lengra til baka kemur í ljós að aðeins tvær breytingar áttu sér stað frá því að fyrsti titillinn af þremur vannst. Miðvörðurinn Pepe er farinn frá félaginu og tók Raphael Varane stöðu hans ásamt því að Bale þurfti að sætta sig við sæti á varamannabekknum undanfarin tvö ár eftir að hafa byrjað úrslitaleikinn 2016. Annars voru níu af þeim ellefu sem byrjuðu leikinn gegn Atletico Madrid árið 2016 í Mílanóborg í byrjunarliði Madrídinga um helgina. Það gæti verið komið að kynslóðaskiptum hjá Madrídingum og tími til að breyta. Bale og Ronaldo gáfu báðir misvísandi skilaboð um framtíð sína í viðtölum eftir leikinn. Í Madrídarborg þykir ekki ásættanlegt að horfa á eftir spænska meistaratitlinum til Barcelona og fær Zidane eflaust úr djúpum vösum að moða í sumar við að styrkja leikmannahópinn til að gera atlögu að þeim fjórtánda um leið.Sigursæll Zidane Zidane tók við liði Real Madrid eftir að Rafa Benitez var rekinn í janúar 2016 en það er óhætt að segja að þar hafi hafist ný gullöld hjá sigursælasta félagi keppninnar og spænsku deildarkeppninnar. Hefur hann stýrt liðinu í 875 daga en á þeim tíma hefur liðið unnið níu titla af þeim þrettán sem í boði voru. Reiknast það sem titill á 97 daga fresti eða rúmlega þriggja mánaða fresti sem er stórkostlegt afrek.
Meistaradeild Evrópu Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport Chelsea Sambandsdeildarmeistari 2025 Fótbolti United niðurlægt í Malasíu Enski boltinn „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti Þeir bestu (3. sæti): Sannkallaður Benjamin Button Íslenski boltinn Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti Fleiri fréttir Stal senunni í fagnaðarlátum Arsenal „Ég set spurningarmerki við þennan tímapunkt“ Chelsea Sambandsdeildarmeistari 2025 Damir þakkar fyrir sig eftir stutta dvöl í Asíu Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Steinhissa á að leikmaður sinn væri mættur á úrslitaleikinn Fanndís kölluð inn í landsliðið eftir fimm ára fjarveru Leita til Liverpool að nýjum kollega Hákonar „Sumir þurftu því miður að yfirgefa svæðið“ Dómari í máli Maradona hættir vegna umdeildrar þátttöku í heimildaþáttaröð „Skeptískir að einhver Íslendingur gæti gert Brann að góðu fótboltaliði“ Þeir bestu (3. sæti): Sannkallaður Benjamin Button Hólmbert skiptir um félag Sagður undir áhrifum, pissa í klefa Roma og senda tvo á sjúkrahús Biðst afsökunar á afar ljótum ummælum í Árbæ Munda missir af landsleik vegna útskriftar úr Harvard Eiginkonurnar fljúga frítt á meðan starfsmennirnir sitja eftir heima Stuðningsmenn Chelsea köstuðu glösum og stólum í Póllandi „Ég er svo pirruð, ég er svo pirruð“ Nýr sex ára samningur hjá Lamine Yamal Jón Þór dæmdur í leikbann og þjálfari Árbæjar fékk fjóra leiki Bestu kaupin, nýyrði í boltanum og hver verður markakóngur? „Án Meistaradeildarinnar þurfum við ekki stóran leikmannahóp“ Missti markmannsstöðuna og hætti með landsliðinu Sævar Atli orðinn leikmaður Brann Þróttur geti klárlega landað titlinum: „Mér finnst þetta stórkostlegt lið“ Júlíus meiddur og Tómas tekinn inn í landsliðshópinn Ásakaður um að lemja leikmenn í unglingaliði Roma Sjá meira