Greta Salóme tognaði rétt fyrir sýningu

Greta Salóme Stefánsdóttir tognaði á kálfa á æfingu á söngleiknum Phantom of the Opera í Hörpu í gær. Hún harkaði þó af sér og komst slösuð í gegnum sýninguna. „The show must go on, það er ekkert annað í stöðunni,“ segir Greta Salóme.

Greta fer með hlutverk Meg Giry í þessum fræga söngleik eftir Andrew Lloyd Webber og er einnig leikstjóri sýningarinnar.

Hún segir að rétt fyrir sýninguna í gær hafi hún slasað sig. „Ég á að leika aðal ballerínuna. Við vorum að hita upp og fara yfir atriðið og ég veit í raun ekkert hvað ég gerði en ég heyrði bara eitthvað gerast í kálfanum," segir Greta. 

Greta kláraði hvert atriðið á fætur öðru á hörkunni. „Það var kallaður til sjúkraþjálfari sem teipaði mig alla og svo var ég með frábæra tæknimenn í Hörpu sem voru yndislegir og hjálpuðu mér mikið. Þeir spreyjuðu á mér kálfann og nudda hann þess á milli.“

„Ég hef átt auðveldari sýningar. Að þurfa að flögra um sviðið með tognaðan kálfa var ekki mjög glæsilegt,“ segir Greta.

Í kvöld verður fjórða og síðasta sýningin á söngleiknum í Hörpu og Greta segir að hún sé mun betri í kálfanum í dag heldur en í gær. „Ég geri ráð fyrir því að ég verði örlítið skárri ballerína í kvöld,“ segir Greta en hún er ekki með mikinn bakgrunn í ballet heldur stundaði hún samkvæmisdans áður.

When you sprain your calf two hours before the Phantom of the opera show where you need to be the most promising ballerina....not my easiest gig but we did it thanks to a few gentlemen @andrifreyr96 and my friend @ragnab I couldn't have done it!!! Thanks guys❤️❤️❤️

A post shared by GRETA SALÓME (@gretasalome) on Feb 24, 2018 at 5:57pm PST