Heimir við Messi: „Ekki reyna of mikið á þig“

Twitter-síða heimsmeistaramótsins í knattspyrnu í Rússlandi 2018 birti ansi skemmtilegt myndbrot af landsliðsþjálfara Íslands, Heimi Hallgrímssyni, tala um fyrsta leik Íslands á mótinu.

Eins og flestum er kunnugt um mætir Ísland Argentínu í fyrsta leik riðilsins á HM, en mótið fer fram í Rússlandi og hefst um miðjan júní.

Í riðlinum eru einnig Nígería og Króatía, en Heimir var með afar einföld skilaboð til Messi.

„Þetta er fyrsti leikurinn í mótinu. Það er nóg eftir. Vertu rólegur og ekki reyna of mikið á þig,” voru skilaboð landsliðsþjálfarans til eins besta leikmanns í heimi.

Þetta var eitt af myndbrotunum sem eru að birtast þessa daga á Twitter-síðu HM þar sem verið er að kynna inn liðin, leikvellina og fleira í þeim dúr.

Þetta skemmtilega myndbrot má sjá hér að neðan.

@footballiceland coach Heimir Hallgrímsson's message to #Messi

"It's the first game, just relax!"

Representatives of all 32 teams are out inSochi in to learn more ahead of the #WorldCup pic.twitter.com/45j9MZqkYH

— FIFA World Cup (@FIFAWorldCup) February 26, 2018