Bróðir Cattrall látinn

Kim Cattrall biðlaði fyrir skömmu til fylgjenda sinna á samfélagsmiðlum að hafa augun opin fyrir bróður sínum sem saknað hefur verið frá því á þriðjudag. Í kvöld tilkynnti leikkonan fylgjendum sínum á Twitter, með sorg í hjarta, að Christopher Cattrall væri látinn. 

Christopher var fimmtíu og fimm ára að aldri og bjó í Alberta í Kanada. Lögreglan á svæðinu hafði einnig leitað hans.

Á sama vettvangi þakkar Cattrall fylgjendum sínum fyrir ást og stuðning í sinn garð á þessum erfiðu tímum. 

Cattrall er þekktust fyrir að hafa leikið í hinum geysivinsælu gaman-dramaþáttum Beðmál í borginni (e. Sex and the City). 

Hér að neðan er færslan sem leikkonan skrifaði vegna andláts bróður síns.

It is with great sadness that myself and my family announce the unexpected passing of our son and brother, Chris Cattrall. At this time we ask for privacy but we want to thank you all on social media for your outpouring of love and support in this trying time.

A post shared by Kim Cattrall (@kimcattrall) on Feb 4, 2018 at 1:00pm PST