Fram sigraði Þrótt í Laugardalnum | Njarvík hafði betur gegn Leikni

Fram vann góðan sigur á Þrótti, 3-1, í 2. umferð Inkasso-deildar karla í fótbolta í kvöld. Leikurinn fór fram á Eimskipsvellinum í Laugardalnum.

Það var strax á 11. mínútu leiksins sem Guðmundur Magnússon kom Fram yfir með skallamarki eftir aukaspyrnu. Hann var síðan aftur á ferðinni og kom fram 2-0 yfir með öðru skallamarki eftir fyrirgjöf Frederico Bello Saraiva.

Á 77. mínútu leiksins gulltryggði síðan portúgalinn Tiago Fernandes stigun þrjú fyrir Fram.

Guðmundur Friðriksson náði að klóra í bakkann fyrir Þrótt sem skallaði boltann auðveldlega í netið eftir fyrirgjöf frá Aroni Þórði Albertssyni, en Atli Gunnar Guðmundsson í marki Fram misreiknaði boltann illa.

Í blálokin var Þróttaranum Viktori Jónssyni vikið af velli þegar hann fékk sitt annað gula spjald en fleiri urðu mörkin ekki.

Eftir tvo leiki eru Framarar enn taplausir með fjögur stig á meðan Þróttarar eru með eitt stig.

Á Leiknisvellinum tóku heimamenn á móti Njarðvík og lauk leiknum með 3-1 sigri gestanna.

Fyrsta mark leiksins skoraði uppaldi Blikinn, Sólon Breki Leifsson, þegar hann kom Leikni í 1-0. Skömmu síðar jafnaði Arnar Helgi Magnússon leikinn fyrir Njarðvík og var staðan jöfn í hálfleik, 1-1.

Um miðbik síðari hálfleiksins kom Ari Már Andrésson gestunum í 2-1 á á 90. mínútu jók Helgi Þór Jónsson forskotið. Sævar Atli Magnússon minnkaði muninn í blálokin, 3-2. Það dugði ekki til og Njarðvíkingar hirtu stigin þrjú.

Rétt eins og Fram hefur Njarðvík fjögur stig eftir tvo leiki. Leiknir hefði hins vegar getað óskað sér betri byrjunar á mótinu en liðið er enn án stiga.