Eina kvöldið þar sem það má gera grín að forsetanum Hulda Hólmkelsdóttir skrifar 30. apríl 2018 13:09 George W. Bush og Steve Bridges á kvöldverði blaðamanna árið 2006. Vísir/Getty Grínistinn Michelle Wolf varð á um það bil tuttugu mínútum umdeildasta kona Bandaríkjanna eftir að hún kom fram á árlegum kvöldverði blaðamanna innan Hvíta hússins á laugardag. Wolf er þó ekki fyrsti grínistinn til að lenda í vandræðum vegna uppistands á kvöldverðinum. Löng hefð er fyrir því að eitt kvöld á ári sé skotleyfi á forsetann og hafa margir grínistar í gegnum tíðina nýtt tækifærið vel. Margir telja að Wolf hafi gengið of langt. Ummæli hennar um Söruh Huckabee Sanders, fjölmiðlafulltrúa Hvíta hússins, þóttu of persónuleg og þá var hún óhrædd við að nefna mál Stormy Daniels, klámstjörnunnar sem vill segja söguna af kynnum sínum við forsetann. Ekki í anda samtakanna Margaret Talev, formaður samtaka blaðamanna innan Hvíta hússins (WHCA) kynnti hana á svið sem einhvern sem var alls ekki hluti af Washington. Það átti að vera jákvætt, þar sem yfirvöld hafa verið gagnrýnd fyrir að vera ekki í miklum tengslum við almenning. Tæpum sólarhring seinna gaf Talev út yfirlýsingu þar sem hún sagði að uppistand Wolf væri ekki í anda þess sem samtökin standi fyrir, en samtökin standa fyrir frjálsa fjölmiðla, samkvæmt heimasíðu þeirra.#WHCA Statement to Members on Annual Dinner pic.twitter.com/8DKoHNxpNi— WHCA (@whca) April 30, 2018 Forsetinn lét ekki sjá sig á laugardag, hann lét heldur ekki sjá sig í fyrra og nú vill hann að hefðin verði lögð af, enda er Donald Trump ekki þekktur fyrir að hafa mikinn húmor fyrir sjálfum sér. En hann lét sjá sig á Twitter og sagði hann að Wolf hefði verið klúr og að kvöldið hefði verið til skammar.The White House Correspondents' Dinner was a failure last year, but this year was an embarrassment to everyone associated with it. The filthy “comedian” totally bombed (couldn't even deliver her lines-much like the Seth Meyers weak performance). Put Dinner to rest, or start over!— Donald J. Trump (@realDonaldTrump) April 30, 2018 Kvöldið þegar allir gera grín að öllum Hinn árlegi kvöldverður blaðamanna innan Hvíta hússins hefur verið haldinn frá árinu 1921. Kvöldið er fyrst og fremst fjáröflunarkvöldverður þar sem safnað er fyrir skólagjöldum fyrir unga og upprennandi blaðamenn. Menn eru heiðraðir fyrir afrek í umfjöllun um pólitík og í seinni tíð hefur fræga fólkið úr Hollywood gert sér ferð til að sýna sig og sjá aðra í Washington. Hefð er fyrir því að bæði forsetinn og varaforsetinn láti sjá sig og ávarpar forsetinn yfirleitt salinn ásamt vel völdum skemmtikrafti. Fimmtán forsetar hafa látið sjá sig á kvöldverðnum, að minnsta kosti einu sinni. Yfirleitt er kvöldið einnig nýtt í að gera grín að fjölmiðlum, stríða þeim fyrir klisjukenndar fyrirsagnir og umdeildan fréttaflutning. Oft hefur forsetinn nýtt tækifærið til að sýna að hann sé ekki fullkomlega húmorslaus og að hann sé meðvitaður um eigin vankanta sem manneskja og stjórnmálamaður.Til að mynda gerði Gerald Ford grín að sjálfum sér árið 1976. Þá fór Chevy Chase með hlutverk forsetans í gamanþáttunum Saturday Night Live og var Chase einn af skemmtikröftum kvöldsins. „Góða kvöldið. Ég er Gerald Ford og það ert þú ekki,“ sagði forsetinn, bein vísun í eftirhermu Chase af honum sjálfum. Á sínum síðasta kvöldverði sem forseti nýtti Bill Clinton tækifærið til að gera grín að sjálfum sér og sýndi stuttmyndina President Clinton: The Final Days, þar sem hann var einmana maður í tómu Hvíta húsi og var að fá kennslu á Internetið.Umdeildasta framkoman Frægasta dæmið um umdeida framkomu grínista fram til þessa verður þó að teljast uppistand Stephen Colbert frá árinu 2006 þegar George W. Bush var forseti. Colbert flutti ávarp sitt sem geysivinsælt hliðarsjálf sitt úr þáttunum Colbert Report, þar sem hann lék ofur-íhaldssaman sjónvarpsmann, ádeilu á menn eins og Bill O‘Reilly og Sean Hannity. Nokkrir ráðgjafar forsetans gengu út á meðan Colbert flutti töluna og virtist forsetinn við það að missa stjórn á skapi sínu á tímabili. Þó að framkoma Colbert hafi verið umdeild litu flestir á hana sem svo að hann hafi nýtt tækifærið vel til að tala tæpitungulaust um viðkvæm málefni. Sama kvöld gerði Bush einmitt grín að sjálfum sér. Hann hélt ræðu með grínistann Steve Bridges sér við hlið sem lék innri-rödd forsetans.Mögulegt upphaf framboðs Trump Árið 2011 gerðu bæði Barack Obama þáverandi forseti og Seth Meyers, grínisti kvöldsins, stólpagrín að Donald Trump, sem var þá ekki annað en sjónvarpsmaður sem trúði því ekki að forsetinn væri bandarískur. Margir blaðamenn sem voru viðstaddir umrætt kvöld hafa rakið ákvörðun Trump til að bjóða sig fram til forseta til ummæla forsetans og Meyers þetta kvöld, þó hann hafi sjálfur í seinni tíð vísað því á bug.Barack Obama kemur fram ásamt Keegan Michael Key árið 2015.Vísir/GettyÁrið 2016 vakti Larry Wilmore einnig mikið umtal. Hann gekk hart á forsetann, fjölmiðla, aktívista, stjórnmálamenn og Hollywood-stjörnurnar sem voru viðstaddar. Í lokin þakkaði hann Obama fyrir að vera fyrsti svarti forsetinn og notaði N-orðið í beinni útsendingu. Mörgum þótti orðalagið móðgandi. Sama ár nýtti Obama ræðu sína í að gera grín að arftaka sínum, nefndi að líklega væri um að ræða síðasta kvöldverð samtakanna og sagði að endalok lýðveldisins hefði aldrei litið betur út. Það er ólíklegt að kvöldverðurinn verði sleginn af, eins og núverandi Bandaríkjaforseti vill að verði gert. Enn ólíklegra verður að teljast að Michelle Wolf verði boðið að koma aftur á næsta ári. Tengdar fréttir Wolf skaut föstum skotum á Trump Michelle Wolf var með uppistand á árlegum kvöldverði blaðamanna innan Hvíta hússins. 29. apríl 2018 11:46 Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Ferðaþjónustuþorpið Vík: „Við erum ein á báti“ Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent „Komið nóg af áföllum“ Innlent Fleiri fréttir Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Ætlaði í höfuðstöðvar NFL Bandarískir trúboðar herja á einangraða ættbálka með drónum og sólarknúnum afspilunartækjum Trump um Epstein: „Hann stal fólki sem vann fyrir mig“ Íhuga að greiða sextíu milljarða til að friðþægja Trump Hyggjast greiða 60 þúsund á ári fyrir öll börn undir þriggja ára Sjá meira
Grínistinn Michelle Wolf varð á um það bil tuttugu mínútum umdeildasta kona Bandaríkjanna eftir að hún kom fram á árlegum kvöldverði blaðamanna innan Hvíta hússins á laugardag. Wolf er þó ekki fyrsti grínistinn til að lenda í vandræðum vegna uppistands á kvöldverðinum. Löng hefð er fyrir því að eitt kvöld á ári sé skotleyfi á forsetann og hafa margir grínistar í gegnum tíðina nýtt tækifærið vel. Margir telja að Wolf hafi gengið of langt. Ummæli hennar um Söruh Huckabee Sanders, fjölmiðlafulltrúa Hvíta hússins, þóttu of persónuleg og þá var hún óhrædd við að nefna mál Stormy Daniels, klámstjörnunnar sem vill segja söguna af kynnum sínum við forsetann. Ekki í anda samtakanna Margaret Talev, formaður samtaka blaðamanna innan Hvíta hússins (WHCA) kynnti hana á svið sem einhvern sem var alls ekki hluti af Washington. Það átti að vera jákvætt, þar sem yfirvöld hafa verið gagnrýnd fyrir að vera ekki í miklum tengslum við almenning. Tæpum sólarhring seinna gaf Talev út yfirlýsingu þar sem hún sagði að uppistand Wolf væri ekki í anda þess sem samtökin standi fyrir, en samtökin standa fyrir frjálsa fjölmiðla, samkvæmt heimasíðu þeirra.#WHCA Statement to Members on Annual Dinner pic.twitter.com/8DKoHNxpNi— WHCA (@whca) April 30, 2018 Forsetinn lét ekki sjá sig á laugardag, hann lét heldur ekki sjá sig í fyrra og nú vill hann að hefðin verði lögð af, enda er Donald Trump ekki þekktur fyrir að hafa mikinn húmor fyrir sjálfum sér. En hann lét sjá sig á Twitter og sagði hann að Wolf hefði verið klúr og að kvöldið hefði verið til skammar.The White House Correspondents' Dinner was a failure last year, but this year was an embarrassment to everyone associated with it. The filthy “comedian” totally bombed (couldn't even deliver her lines-much like the Seth Meyers weak performance). Put Dinner to rest, or start over!— Donald J. Trump (@realDonaldTrump) April 30, 2018 Kvöldið þegar allir gera grín að öllum Hinn árlegi kvöldverður blaðamanna innan Hvíta hússins hefur verið haldinn frá árinu 1921. Kvöldið er fyrst og fremst fjáröflunarkvöldverður þar sem safnað er fyrir skólagjöldum fyrir unga og upprennandi blaðamenn. Menn eru heiðraðir fyrir afrek í umfjöllun um pólitík og í seinni tíð hefur fræga fólkið úr Hollywood gert sér ferð til að sýna sig og sjá aðra í Washington. Hefð er fyrir því að bæði forsetinn og varaforsetinn láti sjá sig og ávarpar forsetinn yfirleitt salinn ásamt vel völdum skemmtikrafti. Fimmtán forsetar hafa látið sjá sig á kvöldverðnum, að minnsta kosti einu sinni. Yfirleitt er kvöldið einnig nýtt í að gera grín að fjölmiðlum, stríða þeim fyrir klisjukenndar fyrirsagnir og umdeildan fréttaflutning. Oft hefur forsetinn nýtt tækifærið til að sýna að hann sé ekki fullkomlega húmorslaus og að hann sé meðvitaður um eigin vankanta sem manneskja og stjórnmálamaður.Til að mynda gerði Gerald Ford grín að sjálfum sér árið 1976. Þá fór Chevy Chase með hlutverk forsetans í gamanþáttunum Saturday Night Live og var Chase einn af skemmtikröftum kvöldsins. „Góða kvöldið. Ég er Gerald Ford og það ert þú ekki,“ sagði forsetinn, bein vísun í eftirhermu Chase af honum sjálfum. Á sínum síðasta kvöldverði sem forseti nýtti Bill Clinton tækifærið til að gera grín að sjálfum sér og sýndi stuttmyndina President Clinton: The Final Days, þar sem hann var einmana maður í tómu Hvíta húsi og var að fá kennslu á Internetið.Umdeildasta framkoman Frægasta dæmið um umdeida framkomu grínista fram til þessa verður þó að teljast uppistand Stephen Colbert frá árinu 2006 þegar George W. Bush var forseti. Colbert flutti ávarp sitt sem geysivinsælt hliðarsjálf sitt úr þáttunum Colbert Report, þar sem hann lék ofur-íhaldssaman sjónvarpsmann, ádeilu á menn eins og Bill O‘Reilly og Sean Hannity. Nokkrir ráðgjafar forsetans gengu út á meðan Colbert flutti töluna og virtist forsetinn við það að missa stjórn á skapi sínu á tímabili. Þó að framkoma Colbert hafi verið umdeild litu flestir á hana sem svo að hann hafi nýtt tækifærið vel til að tala tæpitungulaust um viðkvæm málefni. Sama kvöld gerði Bush einmitt grín að sjálfum sér. Hann hélt ræðu með grínistann Steve Bridges sér við hlið sem lék innri-rödd forsetans.Mögulegt upphaf framboðs Trump Árið 2011 gerðu bæði Barack Obama þáverandi forseti og Seth Meyers, grínisti kvöldsins, stólpagrín að Donald Trump, sem var þá ekki annað en sjónvarpsmaður sem trúði því ekki að forsetinn væri bandarískur. Margir blaðamenn sem voru viðstaddir umrætt kvöld hafa rakið ákvörðun Trump til að bjóða sig fram til forseta til ummæla forsetans og Meyers þetta kvöld, þó hann hafi sjálfur í seinni tíð vísað því á bug.Barack Obama kemur fram ásamt Keegan Michael Key árið 2015.Vísir/GettyÁrið 2016 vakti Larry Wilmore einnig mikið umtal. Hann gekk hart á forsetann, fjölmiðla, aktívista, stjórnmálamenn og Hollywood-stjörnurnar sem voru viðstaddar. Í lokin þakkaði hann Obama fyrir að vera fyrsti svarti forsetinn og notaði N-orðið í beinni útsendingu. Mörgum þótti orðalagið móðgandi. Sama ár nýtti Obama ræðu sína í að gera grín að arftaka sínum, nefndi að líklega væri um að ræða síðasta kvöldverð samtakanna og sagði að endalok lýðveldisins hefði aldrei litið betur út. Það er ólíklegt að kvöldverðurinn verði sleginn af, eins og núverandi Bandaríkjaforseti vill að verði gert. Enn ólíklegra verður að teljast að Michelle Wolf verði boðið að koma aftur á næsta ári.
Tengdar fréttir Wolf skaut föstum skotum á Trump Michelle Wolf var með uppistand á árlegum kvöldverði blaðamanna innan Hvíta hússins. 29. apríl 2018 11:46 Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Ferðaþjónustuþorpið Vík: „Við erum ein á báti“ Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent „Komið nóg af áföllum“ Innlent Fleiri fréttir Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Ætlaði í höfuðstöðvar NFL Bandarískir trúboðar herja á einangraða ættbálka með drónum og sólarknúnum afspilunartækjum Trump um Epstein: „Hann stal fólki sem vann fyrir mig“ Íhuga að greiða sextíu milljarða til að friðþægja Trump Hyggjast greiða 60 þúsund á ári fyrir öll börn undir þriggja ára Sjá meira
Wolf skaut föstum skotum á Trump Michelle Wolf var með uppistand á árlegum kvöldverði blaðamanna innan Hvíta hússins. 29. apríl 2018 11:46