Þrenna Bale skaut Real í úrslit á HM félagsliða

Real Madrid er komið í úrslitaleik HM félagsliða eftir öruggan 3-1 sigur á Asíumeisturunum í Kashima Antlers í dag.

Óvænt úrslit urðu í gær þegar Al-Ain gerði sér lítið fyrir og sló út Suður-Ameríku meistarana í River Plate eftir vítaspyrnukeppni.

Real lenti ekki í miklum vandræðum í dag. Gareth Bale kom Real yfir á síðustu mínutu fyrri hálfleiks eftir laglegt samspil við Marcelo.

Bale tvöfaldaði forystuna á 53. mínútu og tveimur mínútum síðar skoraði hann þriðja mark Real og fullkomnaði þrennu sína. Shoma Doi klóraði í bakkann níu mínútum fyrir leikslok og lokatölur 3-1.

Það eru því Real og Antlers sem mætast í úrslitaleiknum á HM félagsliða en úrslitaleikurinn verður spilaður á laugardagskvöldið.

Real Madrid hefur keppnina síðustu tvö ár og þrjú af síðustu fjórum árum. Árið 2015 vann svo annað spænskt lið, Barcelona.