Hnífstungan vegna ósættis um bílastæði

Að sögn lögreglu hafa í dag farið fram yfirheyrslur á mönnunum sem handteknir voru vegna hnífsstunguárásarinnar í Grafarholti í gær. 

Ósætti skapaðist milli mannana vegna lagningu ökutækis, slagsmál brutust í kjölfarið út og enduðu með því að hnífurinn var dreginn upp í sjálfsvörn.

Lögregla segir málið að mestu upplýst og öllum handteknu hefur verið sleppt.

Vísir greindi frá því að þrír hefðu verið handteknir í grennd við verslun Krónunnar í Grafarholti í gærkvöldi vegna gruns um aðild að hnífstunguárás. Þá var einn fluttur með sjúkrabíl á Landspítalann. Mennirnir sem handteknir voru eru á tvítugs- og fertugsaldri.