PartyZone heiðrar fallinn félaga í kvöld

Útvarpsþátturinn PartyZone mun heita Hvíta tjaldið í kvöld en þáttastjórnendur hyggjast heiðra minningu Ómars Friðleifssonar sem lést á dögunum eftir hetjulega baráttu við krabbamein.

„Í þættinum á laugardagskvöldiið ætlum viđ að heiðra vin okkar, frumkvöðul, eðaldreng og í raun einn umsjónaramanna þáttarins (jafnan kallaður þriðja hjólið í PZ). Það var ekki amalegt að hafa fyrrum umsjónarmann Danslistans(XL) og Hvíta Tjaldsins í gæðaráði þáttarins í öll þessi ár. Við munum minnast hanns eins og hann sé með okkur og þá er stuð, nettur derringur og góð tónlist. Tónlistin er eðlilega öll valin af Omma, sannkallað Omma Takeover,“ segir á Facebook-síðu þáttarins.

Þátturinn er á dagskrá klukkan tíu í kvöld til miðnættis en upptakan verður einnig aðgengileg á Vísi.