SKAM tekur yfir Melodifestivalen

Það eru fáar þjóðir sem taka undankeppni Eurovision jafn alvarlega og frændur okkar Svíar, en úrslitakvöldið í Melodifestivalen, sænsku undankepninni, er annað kvöld.

Hinn norski Alexander Rybak, sem sigraði Eurovision árið 2009 mun vera kynnir ásamt sænsku sjónvarpskonunni Clara Henry á lokakvöldinu og skelltu þau sér í gervi persóna úr norsku sjónvarpsþáttunum SKAM í nýrri auglýsingu fyrir keppnina.

„Sjálfur er ég heillaður af Skam, þetta eru ótrúlega góðir þættir. Síðan hugsaði ég að Clara gæti gert Nooru góð skil, þær eru svolítið líkar. Okkur fannst ástarsaga William og Nooru falleg og nú fá Alexander og Clara að spreita sig á persónunum,“ segir Mani Masserat, framkvæmdastjóri Melodifestivalen í samtali við sænska ríkissjónvarpið.

Auglýsinguna má sjá hér fyrir neðan.