Zidane framlengdi við Real

Zinedine Zidane, þjálfari Real Madrid, skrifaði í dag undir nýjan samning við félagið.

Núverandi samningur átti að renna út í lok leiktíðarinnar. Zidane hefur náð ótrúlegum árangri með Real og því ekki furða að félagið hafi gert við hann nýjan samning.

Zidane sjálfur er búinn að staðfesta að hann sé búinn að krota undir nýja samninginn en Real á eftir að staðfesta þessi tíðindi en það er aðeins formsatriði.

Frakkinn magnaði tók við liðinu í janúar árið 2016 og liðið hefur verið óstöðvandi síðan. Real er búið að vinna Meistaradeildina tvö ár í röð undir hans stjórn og vann sinn fyrsta spænska meistaratitil síðan 2012 í maí síðastliðnum.