Sport

„Hann hefur ekki lengur efni á jakkafötum“ | Sjáðu fyrsta blaðamannafund Mayweather og McGregor

Ingvi Þór Sæmundsson og Óskar Ófeigur Jónsson skrifa
Mayweather og McGregor á sviðinu.
Mayweather og McGregor á sviðinu. Vísir/Getty
Fyrsti blaðamannafundurinn af fjórum fyrir risa boxbardaga Floyds Mayweather og Conors McGregor fór fram í Staples Center í Los Angeles í kvöld.

Það var kjaftur á þeim báðum eins og búast mátti við og fast skotið.

Conor hæddist að Mayweather fyrir að mæta í jogginggalla, sagði að hann hefði aldrei mætt neinum eins og sér og að hann myndi rota hann í síðasta lagi í fjórðu lotu.

Mayweather svaraði fyrir sig, sagðist þéna meiri pening en Conor og að guð hefði aðeins skapað einn fullkominn hlut, þ.e. boxárangurinn hans.

Þeir Mayweather og McGregor verða síðan í Toronto í Kanada á morgun, í Brooklyn í New York á fimmtudaginn og loks á Wembley í London á föstudaginn. Bardaginn sjálfur fer svo fram í Las Vegas 26. ágúst næstkomandi.

Blaðamannafundinn í heild sinni má sjá hér að neðan.

MMA

Tengdar fréttir

Orðastríðið hefst í Staples Center

Það er nú búið að gefa það formlega út að fyrsti blaðamannafundur Conor McGregor og Floyd Mayweather fer fram í Staples Center í Los Angeles á þriðjudag.

Conor kominn til Los Angeles

Sirkusinn byrjar á morgun en þá fer fram fyrsti blaðamannafundurinn hjá Conor McGregor og Floyd Mayweather.

Sirkusinn byrjar á Wembley

Fjölmiðlasirkus Conor McGregor og Floyd Mayweather mun hefjast á Wembley síðar í þessum mánuði.

Mest lesið


Fleiri fréttir

Sjá meira


×

Mest lesið