Hættulegur afleikur í uppsiglingu Súsanna Margrét Gestsdóttir skrifar 10. maí 2017 07:00 Fyrirhugaðri yfirtöku Tækniskólans á Fjölbrautaskólanum við Ármúla hefur verið harðlega mótmælt, bæði af kennurum og nemendum. Hagsmunir þeirra verða þó látnir liggja á milli hluta í þessari grein. Hér verður heldur ekki fjallað um þá staðreynd að kennarar höfðu ekki hugmynd um að verið væri að vinna að þessari yfirtöku fyrr en fréttir af henni láku í fjölmiðla 4. maí, þó að kapp sé lagt á að hún eigi sér formlega stað 1. júní næstkomandi. Allt er þetta með ólíkindum en verst af öllu er þó að við blasir viðvarandi stefnuleysi og fúsk í menntamálum sem er þjóðinni dýrkeypt.Markmið breytinga Enginn vafi leikur á því að sameining stofnana á borð við skóla kann að vera skynsamlegur kostur. Allir hljóta að vera sammála um að það ber að fara vel með fé í skólakerfinu sem og annars staðar. Því er óskiljanlegt að ekki liggi fyrir skýr stefna þar sem allir framhaldsskólar landsins eru undir svo að unnt sé að ræða á faglegan hátt hvernig bregðast megi við fækkun nemenda – fækkun sem reyndar er svo tímabundin að innan 5-7 ára verður full þörf fyrir öll nemendarými og meira til. Þetta eru helstu rökin og jafnvel þau einu sem kynnt hafa verið fyrir yfirtökunni og verða þau að teljast furðu lítilvæg í ljósi þeirrar grundvallarbreytingar sem hér er um að ræða. Aðrir sameiningarkostir virðast mun augljósari. Fjölbrautaskólinn við Ármúla og Tækniskólinn eru nefnilega ólíkar stofnanir, ekki síst vegna þess að FÁ er ríkisskóli en TS er einkarekinn skóli í eigu Samtaka fyrirtækja í sjávarútvegi, Samtaka iðnaðarins, Samorku og Iðnaðarmannafélagsins í Reykjavík. Með yfirtökunni er þannig verið að einkavæða einn af stærstu framhaldsskólum landsins án þess að um það hafi átt að fara fram nokkur umræða.Úrlausnarefni í skólakerfinu Löngu er tímabært að hefja samræðu um menntamál upp fyrir reiknilíkön sem rúma aðeins krónur og aura og búa ekki yfir neinum dálkum þar sem pláss er fyrir fólk. Mun brýnni úrlausnarefni liggja fyrir. Reglulega berast fréttir af vandræðalegri stöðu íslenska menntakerfisins í alþjóðlegu samhengi og hafa aðrir fjallað ítarlega um það. Við sjónum okkar allra sem starfað höfum lengi við kennslu blasir gjörbreytt staða á öllum skólastigum sem birtist ekki síst í vanlíðan ungs fólks, þunglyndi og kvíða. Við þessu er reynt að bregðast í skólunum án mikils skilnings frá yfirvöldum menntamála. Í FÁ hefur verið byggð upp skólamenning sem felst í því að mismuna ekki nemendum heldur bjóða alla velkomna og reyna að mæta hverjum og einum þar sem hann er staddur. Slík menning er hins vegar einskis metin í kerfi sem byggir á því að koma öllum eins hratt og auðið er í gegn. Það fé sem sparast með nýlegri styttingu framhaldsskólans í þrjú ár skilar sér ekki til eflingar skólastarfs eins og til stóð. Önnur sjónarmið en þau sem varða menntamál ráða för. Höfnum markaðsvæðingu menntunar sem er enn ein birtingarmynd vaxandi mismununar í íslensku samfélagi. Stöndum vörð um mannauð skólanna og nýtum hann til góðra verka. Handahófsákvarðanir eru hættulegar og afleiðingarnar ófyrirsjáanlegar fyrir stóra hópa fólks, jafnvel samfélagið allt. Ræðum heildarmynd menntamála og verum óhrædd við að leyfa ólíkum sjónarmiðum að takast á. Leggjum fram rök og leyfum umræðu. Annað sæmir ekki í lýðræðisþjóðfélagi. Viltu birta grein á Vísi? Sendu okkur póst. Senda grein Birtist í Fréttablaðinu Mest lesið Til hamingju með daginn! Árni Guðmundsson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Svar við bréfi Ingós: 3.233.700.000 krónur Runólfur Ágústsson Skoðun Núll prósent skynsemi Lára G. Sigurðardóttir Skoðun Að fórna hamingju fyrir verslunarfrelsi Gunnar Hersveinn Skoðun Ljúgandi málpípa Sjálfstæðisflokksins Tómas Kristjánsson Skoðun Birgir Þórarinsson er enn að Hjálmtýr Heiðdal Skoðun Hvers eiga Vestfirðingar að gjalda? Ingólfur Ásgeirsson Skoðun Þegar kvíðinn tekur völdin Sóley Dröfn Davíðsdóttir Skoðun Skömm stjórnvalda - íslensk börn með erlendan bakgrunn Birna Gunnlaugsdóttir Skoðun Skoðun Skoðun Til hamingju með daginn! Árni Guðmundsson skrifar Skoðun Vetur að vori - stuðningur eftir óveður Bjarkey Olsen Gunnarsdóttir skrifar Skoðun Skömm stjórnvalda - íslensk börn með erlendan bakgrunn Birna Gunnlaugsdóttir skrifar Skoðun Að fórna hamingju fyrir verslunarfrelsi Gunnar Hersveinn skrifar Skoðun Er þensla vegna íbúðauppbyggingar? Jónas Atli Gunnarsson skrifar Skoðun Birgir Þórarinsson er enn að Hjálmtýr Heiðdal skrifar Skoðun Viðurkennum þjóðarmorð á Armenum Eiríkur Rögnvaldsson skrifar Skoðun Þegar kvíðinn tekur völdin Sóley Dröfn Davíðsdóttir skrifar Skoðun Atvinnulífið og fíkniefnasalan Ólafur Kjartansson skrifar Skoðun Drasl Hafþór Reynisson skrifar Skoðun Er lýðræðinu viðbjargandi? Reynir Böðvarsson skrifar Skoðun Þegar forréttindafólk í valdastöðu skerðir mannréttindi jaðarsettra hópa Sema Erla Serdaroglu skrifar Skoðun Forsetapróf Auður Guðna Sigurðardóttir skrifar Skoðun Aukin sala áfengis ógnar grundvallarmarkmiðum lýðheilsu Aðalsteinn Gunnarsson skrifar Skoðun Svik VG í jafnréttismálum Jana Salóme Ingibjargar Jósepsdóttir skrifar Skoðun Spennandi tímar fyrir ungt fólk í Hafnarfirði Kristín Thoroddsen,Margrét Vala Marteinsdóttir skrifar Skoðun Ingólfur krítar liðugt Kristinn H. Gunnarsson skrifar Skoðun Fáu spáð en vel fylgst með Ari Trausti Guðmundsson skrifar Skoðun Armæða um íslenska tungu Hermann Stefánsson skrifar Skoðun Það eru lög í landinu Líneik Anna Sævarsdóttir skrifar Skoðun Svar við bréfi Ingós: 3.233.700.000 krónur Runólfur Ágústsson skrifar Skoðun Úr buffi í klút Gunnhildur Birna Gunnarsdóttir skrifar Skoðun Rétturinn til heilnæms umhverfis vs bæjaryfirvöld Hafnarfjarðar Björg Sveinsdóttir skrifar Skoðun Málsvari minksins Lárus Karl Arnbjarnarson skrifar Skoðun Skuldum við 17 þúsund íbúðir á höfuðborgarsvæðinu? Sigurður Stefánsson skrifar Skoðun Förum vel með byggingarvörur Eyþór Bjarki Sigurbjörnsson skrifar Skoðun Gerum betur Kristín B. Jónsdóttir skrifar Skoðun Á tæpustu tungu Eiríkur Örn Norðdahl skrifar Skoðun Aðför að ungmennum (Í minningu Hamarsins) Óskar Steinn Jónínuson Ómarsson skrifar Skoðun „Betur borgandi ferðamenn“ Bjarnheiður Hallsdóttir skrifar Sjá meira
Fyrirhugaðri yfirtöku Tækniskólans á Fjölbrautaskólanum við Ármúla hefur verið harðlega mótmælt, bæði af kennurum og nemendum. Hagsmunir þeirra verða þó látnir liggja á milli hluta í þessari grein. Hér verður heldur ekki fjallað um þá staðreynd að kennarar höfðu ekki hugmynd um að verið væri að vinna að þessari yfirtöku fyrr en fréttir af henni láku í fjölmiðla 4. maí, þó að kapp sé lagt á að hún eigi sér formlega stað 1. júní næstkomandi. Allt er þetta með ólíkindum en verst af öllu er þó að við blasir viðvarandi stefnuleysi og fúsk í menntamálum sem er þjóðinni dýrkeypt.Markmið breytinga Enginn vafi leikur á því að sameining stofnana á borð við skóla kann að vera skynsamlegur kostur. Allir hljóta að vera sammála um að það ber að fara vel með fé í skólakerfinu sem og annars staðar. Því er óskiljanlegt að ekki liggi fyrir skýr stefna þar sem allir framhaldsskólar landsins eru undir svo að unnt sé að ræða á faglegan hátt hvernig bregðast megi við fækkun nemenda – fækkun sem reyndar er svo tímabundin að innan 5-7 ára verður full þörf fyrir öll nemendarými og meira til. Þetta eru helstu rökin og jafnvel þau einu sem kynnt hafa verið fyrir yfirtökunni og verða þau að teljast furðu lítilvæg í ljósi þeirrar grundvallarbreytingar sem hér er um að ræða. Aðrir sameiningarkostir virðast mun augljósari. Fjölbrautaskólinn við Ármúla og Tækniskólinn eru nefnilega ólíkar stofnanir, ekki síst vegna þess að FÁ er ríkisskóli en TS er einkarekinn skóli í eigu Samtaka fyrirtækja í sjávarútvegi, Samtaka iðnaðarins, Samorku og Iðnaðarmannafélagsins í Reykjavík. Með yfirtökunni er þannig verið að einkavæða einn af stærstu framhaldsskólum landsins án þess að um það hafi átt að fara fram nokkur umræða.Úrlausnarefni í skólakerfinu Löngu er tímabært að hefja samræðu um menntamál upp fyrir reiknilíkön sem rúma aðeins krónur og aura og búa ekki yfir neinum dálkum þar sem pláss er fyrir fólk. Mun brýnni úrlausnarefni liggja fyrir. Reglulega berast fréttir af vandræðalegri stöðu íslenska menntakerfisins í alþjóðlegu samhengi og hafa aðrir fjallað ítarlega um það. Við sjónum okkar allra sem starfað höfum lengi við kennslu blasir gjörbreytt staða á öllum skólastigum sem birtist ekki síst í vanlíðan ungs fólks, þunglyndi og kvíða. Við þessu er reynt að bregðast í skólunum án mikils skilnings frá yfirvöldum menntamála. Í FÁ hefur verið byggð upp skólamenning sem felst í því að mismuna ekki nemendum heldur bjóða alla velkomna og reyna að mæta hverjum og einum þar sem hann er staddur. Slík menning er hins vegar einskis metin í kerfi sem byggir á því að koma öllum eins hratt og auðið er í gegn. Það fé sem sparast með nýlegri styttingu framhaldsskólans í þrjú ár skilar sér ekki til eflingar skólastarfs eins og til stóð. Önnur sjónarmið en þau sem varða menntamál ráða för. Höfnum markaðsvæðingu menntunar sem er enn ein birtingarmynd vaxandi mismununar í íslensku samfélagi. Stöndum vörð um mannauð skólanna og nýtum hann til góðra verka. Handahófsákvarðanir eru hættulegar og afleiðingarnar ófyrirsjáanlegar fyrir stóra hópa fólks, jafnvel samfélagið allt. Ræðum heildarmynd menntamála og verum óhrædd við að leyfa ólíkum sjónarmiðum að takast á. Leggjum fram rök og leyfum umræðu. Annað sæmir ekki í lýðræðisþjóðfélagi.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Þegar forréttindafólk í valdastöðu skerðir mannréttindi jaðarsettra hópa Sema Erla Serdaroglu skrifar
Skoðun Spennandi tímar fyrir ungt fólk í Hafnarfirði Kristín Thoroddsen,Margrét Vala Marteinsdóttir skrifar
Skoðun Rétturinn til heilnæms umhverfis vs bæjaryfirvöld Hafnarfjarðar Björg Sveinsdóttir skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun