Hefur losað sig við þrjú þúsund hluti á sex mánuðum Kristín Ólafsdóttir skrifar 30. júní 2017 15:00 Fyrir einu og hálfu ári síðan var háaloft Guðbjargar troðfullt af hlutum og dóti sem hún hafði engin not fyrir en ætlaði sér ekki að henda – og alltaf bættist í safnið. Guðbjörg Helga Jóhannesdóttir Guðbjörg Helga Jóhannesdóttir viðskiptafræðingur hefur losað sig við 3320 hluti það sem af er þessu ári. Hreinsunin byrjaði sem áramótaheit en nú hendir hún hlutum eftir sérsniðnu kerfi á hverjum degi. Guðbjörg segir ferlið allt að því ávanabindandi.Guðbjörg Helga Jóhannesdóttir hefur svo sannarlega hreinsað til í lífi sínu.Guðbjörg Helga JóhannesdóttirFyrir einu og hálfu ári síðan voru bæði háaloft og bílskúr Guðbjargar troðfull af hlutum og dóti sem hún hafði engin not fyrir en ætlaði sér ekki að henda – og alltaf bættist í safnið. „Ég stóð frammi fyrir því að þurfa að kaupa stærri hirslur og fleiri skápa til að geta geymt eitthvað rusl,“ segir Guðbjörg. Hún hafi þá ákveðið í samráði við dóttur sína að umbreyta geymslunni í leikherbergi. „Þannig byrjaði þetta, dóttir mín vildi fá háaloftið sem leikrými og það varð áramótaheit okkar mæðgna árið 2015 að útbúa herbergi úr háaloftinu sem var orðið alveg úttroðið.“Svolítið eins og að borða súkkulaðiHeimilisfólkið byrjaði rólega og Guðbjörg setti því markmið, kannski einn poka af drasli á viku og kassa hér og þar. Á nýársdag 2017 hóf fjölskyldan kerfisbundið að losa sig við dót. „Þetta hefur smitað út frá sér, vinkonur og ein systir mín eru nú byrjaðar. Enda er þetta ansi hreinsandi og eiginlega orðið pínu ávanabindandi að aka með fullan bíl á endurvinnslustöð og nytjamarkaði og aka af staðnum með bros á vör, svolítið eins og að borða súkkulaði,“ segir Guðbjörg.Háaloft Guðbjargar fyrir hreinsunarátakið.Guðbjörg Helga JóhannesdóttirGuðbjörg losar sig við hlutina eftir sérstöku kerfi en hún heldur utan um hreinsunina í hóp á Facebook. Þar setja meðlimir hópsins inn myndir af hlutunum sem henda á þann daginn en fjöldi hlutanna helst í hendur við mánaðardag. Þannig er einum hlut hent þann fyrsta hvers mánaðar, tveimur næsta dag, þremur þann næsta o.s.frv.. Fjöldinn núllstillist í lok mánaðar – og svo má auðvitað henda fleiri hlutum en mánaðardagurinn segir til um. Mælir með því að handfjatla erfiðustu hlutinaGuðbjörg segir vel hægt að feta sig áfram í hreinsunarferlinu og ráðleggur nýgræðingum að byrja smátt. „Það auðveldasta, ef maður ætlar að byrja á þessu, er að henda fötum. Svo er hægt að taka eldhússkápana og henda útrunnum matvælum, byrja bara á einhverju svona léttu.“ Þegar komið er út í erfiðari hluti, þá sem hafa tilfinningalegt gildi, mælir hún með því að taka viðkomandi hlut og handfjatla hann. „Þá er gott að hugsa, gerir þessi hlutur eitthvað fyrir mig? Ef hann gerir ekkert fyrir mig, af hverju er ég að geyma hann? Hvenær notaði ég hann síðast?“ segir Guðbjörg. „Það erfiðasta fyrir mig var að henda gömlum uppskriftablöðum, ég er algjör uppskriftafíkill.“Börn Guðbjargar, Óðinn og Embla, eru sátt við nýja leikrýmið uppi á háalofti.Guðbjörg Helga JóhannesdóttirHefur breytt neysluvenjunumHreinsunarferlið hefur breytt neysluvenjum Guðbjargar töluvert en hún hugsar nú mun betur út í öll innkaup á heimilinu. „Ég velti öllu miklu betur fyrir mér áður en ég kaupi og svo hef ég tekið mánuð þar sem það fór alltaf einn hlutur út fyrir hvern hlut sem fór inn.“ En sér Guðbjörg eftir einhverju sem hún hefur hent? „Nei, engu. Ég sé ekki eftir neinu og vantar ekki neitt.“ Mest lesið Myndir: Allt á floti í Kringlunni Innlent Isavia stefnir að því að hefja gjaldtöku í vikunni Innlent Flúðu vettvang eftir harðan árekstur Innlent Umfangsmikið mengunarslys vegna rútuslyssins Innlent Búðareigendur aðstoðuðu slökkviliðsmenn Innlent Náði ekki að loka búðinni áður en henni var sagt að koma sér út Innlent „Þetta er stórtjón fyrir okkur“ Innlent „Sumar búðir hafa sloppið vel, aðrar ekki“ Innlent Laxateljari greinir eldislaxa frá villtum löxum Innlent Konungsskip Dana í Reykjavík Innlent Fleiri fréttir Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Björgunarsveitir sinntu reiðslysi og gönguslysi í gær Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Eldur í Kringlunni og Kristján Loftsson um hvalveiðileyfið Náði ekki að loka búðinni áður en henni var sagt að koma sér út Héldu fyrst að þetta væri brunaæfing Sigurður Ingi ekki búinn að undirrita Isavia-samning Eldur logar í þaki Kringlunnar Björgunarsveit kölluð út í Þórsmörk Áhyggjur af vanda drengja í menntakerfinu óþarfar Sjá meira
Guðbjörg Helga Jóhannesdóttir viðskiptafræðingur hefur losað sig við 3320 hluti það sem af er þessu ári. Hreinsunin byrjaði sem áramótaheit en nú hendir hún hlutum eftir sérsniðnu kerfi á hverjum degi. Guðbjörg segir ferlið allt að því ávanabindandi.Guðbjörg Helga Jóhannesdóttir hefur svo sannarlega hreinsað til í lífi sínu.Guðbjörg Helga JóhannesdóttirFyrir einu og hálfu ári síðan voru bæði háaloft og bílskúr Guðbjargar troðfull af hlutum og dóti sem hún hafði engin not fyrir en ætlaði sér ekki að henda – og alltaf bættist í safnið. „Ég stóð frammi fyrir því að þurfa að kaupa stærri hirslur og fleiri skápa til að geta geymt eitthvað rusl,“ segir Guðbjörg. Hún hafi þá ákveðið í samráði við dóttur sína að umbreyta geymslunni í leikherbergi. „Þannig byrjaði þetta, dóttir mín vildi fá háaloftið sem leikrými og það varð áramótaheit okkar mæðgna árið 2015 að útbúa herbergi úr háaloftinu sem var orðið alveg úttroðið.“Svolítið eins og að borða súkkulaðiHeimilisfólkið byrjaði rólega og Guðbjörg setti því markmið, kannski einn poka af drasli á viku og kassa hér og þar. Á nýársdag 2017 hóf fjölskyldan kerfisbundið að losa sig við dót. „Þetta hefur smitað út frá sér, vinkonur og ein systir mín eru nú byrjaðar. Enda er þetta ansi hreinsandi og eiginlega orðið pínu ávanabindandi að aka með fullan bíl á endurvinnslustöð og nytjamarkaði og aka af staðnum með bros á vör, svolítið eins og að borða súkkulaði,“ segir Guðbjörg.Háaloft Guðbjargar fyrir hreinsunarátakið.Guðbjörg Helga JóhannesdóttirGuðbjörg losar sig við hlutina eftir sérstöku kerfi en hún heldur utan um hreinsunina í hóp á Facebook. Þar setja meðlimir hópsins inn myndir af hlutunum sem henda á þann daginn en fjöldi hlutanna helst í hendur við mánaðardag. Þannig er einum hlut hent þann fyrsta hvers mánaðar, tveimur næsta dag, þremur þann næsta o.s.frv.. Fjöldinn núllstillist í lok mánaðar – og svo má auðvitað henda fleiri hlutum en mánaðardagurinn segir til um. Mælir með því að handfjatla erfiðustu hlutinaGuðbjörg segir vel hægt að feta sig áfram í hreinsunarferlinu og ráðleggur nýgræðingum að byrja smátt. „Það auðveldasta, ef maður ætlar að byrja á þessu, er að henda fötum. Svo er hægt að taka eldhússkápana og henda útrunnum matvælum, byrja bara á einhverju svona léttu.“ Þegar komið er út í erfiðari hluti, þá sem hafa tilfinningalegt gildi, mælir hún með því að taka viðkomandi hlut og handfjatla hann. „Þá er gott að hugsa, gerir þessi hlutur eitthvað fyrir mig? Ef hann gerir ekkert fyrir mig, af hverju er ég að geyma hann? Hvenær notaði ég hann síðast?“ segir Guðbjörg. „Það erfiðasta fyrir mig var að henda gömlum uppskriftablöðum, ég er algjör uppskriftafíkill.“Börn Guðbjargar, Óðinn og Embla, eru sátt við nýja leikrýmið uppi á háalofti.Guðbjörg Helga JóhannesdóttirHefur breytt neysluvenjunumHreinsunarferlið hefur breytt neysluvenjum Guðbjargar töluvert en hún hugsar nú mun betur út í öll innkaup á heimilinu. „Ég velti öllu miklu betur fyrir mér áður en ég kaupi og svo hef ég tekið mánuð þar sem það fór alltaf einn hlutur út fyrir hvern hlut sem fór inn.“ En sér Guðbjörg eftir einhverju sem hún hefur hent? „Nei, engu. Ég sé ekki eftir neinu og vantar ekki neitt.“
Mest lesið Myndir: Allt á floti í Kringlunni Innlent Isavia stefnir að því að hefja gjaldtöku í vikunni Innlent Flúðu vettvang eftir harðan árekstur Innlent Umfangsmikið mengunarslys vegna rútuslyssins Innlent Búðareigendur aðstoðuðu slökkviliðsmenn Innlent Náði ekki að loka búðinni áður en henni var sagt að koma sér út Innlent „Þetta er stórtjón fyrir okkur“ Innlent „Sumar búðir hafa sloppið vel, aðrar ekki“ Innlent Laxateljari greinir eldislaxa frá villtum löxum Innlent Konungsskip Dana í Reykjavík Innlent Fleiri fréttir Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Björgunarsveitir sinntu reiðslysi og gönguslysi í gær Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Eldur í Kringlunni og Kristján Loftsson um hvalveiðileyfið Náði ekki að loka búðinni áður en henni var sagt að koma sér út Héldu fyrst að þetta væri brunaæfing Sigurður Ingi ekki búinn að undirrita Isavia-samning Eldur logar í þaki Kringlunnar Björgunarsveit kölluð út í Þórsmörk Áhyggjur af vanda drengja í menntakerfinu óþarfar Sjá meira