Ólýsanlegt að gera þetta með ÍBV Ingvi Þór Sæmundsson skrifar 14. ágúst 2017 06:00 Sindri Snær Magnússon, fyrirliði ÍBV, lyftir Borgunarbikarnum. mynd/hafliði breiðfjörð Þegar Gunnar Heiðar Þorvaldsson sneri aftur til ÍBV fyrir tveimur árum sagði hann að það eina sem hann ætti eftir að afreka á ferlinum væri að vinna titil með ÍBV. Hann gat strikað það af listanum á laugardaginn. Gunnar Heiðar skoraði þá eina markið í 1-0 sigri ÍBV á FH í úrslitaleik Borgunarbikarsins á Laugardalsvelli. Þetta var í fimmta sinn sem ÍBV verður bikarmeistari og í fyrsta sinn síðan 1998 sem liðið vinnur stóran titil. Langri bið eftir titli lauk því á laugardaginn.„Við erum í skýjunum með þetta og við erum vel að þessu komnir,“ sagði Gunnar Heiðar í samtali við Fréttablaðið. Að hans sögn fengu bikarmeistararnir höfðinglegar móttökur í Eyjum á laugardagskvöldið. „Þetta var ótrúlegt. Þegar maður bjó úti sá maður móttökurnar sem handboltaliðið fékk og gerði sér einhverja grein fyrir hvernig þetta væri. En þetta var miklu meira og flottara en það.“ Eftir að hafa orðið markakóngur Landsbankadeildarinnar með silfurliði ÍBV 2004 hélt Gunnar Heiðar út í atvinnumennsku. Hann lék í alls ellefu ár erlendis, með níu félögum í sex löndum. Hann sneri aftur til ÍBV um mitt sumar 2015 og er núna kominn með titil á ferilskrána. Gunnar Heiðar, sem er 35 ára, segir þá tilfinningu að vinna titil með uppeldisfélagi sínu afar góða. „Ég held að það sé örugglega enn sætara að vinna titil með sínu uppeldisfélagi en öðru félagi. Ég þekki það reyndar ekki, þetta var minn fyrsti titill. Að hafa gert þetta með ÍBV er ólýsanlegt. Ég gæti ekki verið sáttari,“ sagði Gunnar Heiðar.Gunnar Heiðar fagnar marki sínu í bikarúrslitaleiknum.mynd/hafliði breiðfjörðEyjamenn voru miklu betri aðilinn í fyrri hálfleiknum í bikarúrslitaleiknum og leiddu 1-0 í hálfleik. FH-ingar sóttu stíft fyrstu 20 mínúturnar í seinni hálfleik en Eyjamenn stóðust áhlaupið. Og á lokamínútunum voru þeir líklegri til að bæta við en FH-ingar að jafna. „Eftir að við unnum Stjörnuna hugsaði ég hvort ég vildi frekar fá FH eða Leikni R. í úrslitaleiknum. Það voru plúsar og mínusar við bæði lið en mig langaði eiginlega frekar að mæta FH. Við höfum haft góð tök á þeim síðustu ár. Við vitum hvernig þeir spila og það hentar okkar kerfi vel. Svo hentar það okkur vel þegar allir eru búnir að afskrifa okkur,“ sagði Gunnar Heiðar. „Við vildum halda kerfinu okkar en gerðum smá tilfærslur. Við vildum láta vængbakverðina okkar loka á kantmennina þeirra og reyna frekar að láta bakverðina fá boltann og láta þá spila inn á miðjuna þar sem við erum þéttir fyrir. Svo þurftum við að treysta á skyndisóknir. Eftir smá tíma fundum við taktinn og héldum boltanum vel. Við sýndum að við erum með gott lið og leikáætlun okkar gekk eiginlega fullkomlega upp.“Emil Pálsson sækir að Gunnari Heiðari.mynd/hafliði breiðfjörðÞótt ÍBV sé bikarmeistari er staða liðsins í Pepsi-deildinni ekki góð. Eyjamenn sitja í ellefta og næstneðsta sæti deildarinnar með 13 stig, þremur stigum frá öruggu sæti. Gunnar Heiðar segir að það hafi lítið vantað upp á hjá ÍBV í mörgum deildarleikjum í sumar. „Auðvitað er þetta svolítið sérstakt. En þegar maður lítur heilt yfir á þessa leiki hafa þeir verið jafnir og við með þá í hendi okkar. Svo missum við þá frá okkur með barnalegum mistökum,“ sagði Gunnar Heiðar og benti á síðustu tvo deildarleiki ÍBV sem enduðu báðir með jafntefli. Auk þess að vera leikmaður ÍBV er Gunnar Heiðar aðstoðarmaður Kristjáns Guðmundssonar, þjálfara liðsins. Hann ber honum vel söguna. „Ég held að allir séu sammála um að hann sé svolítið sérstakur karakter. En hann passar mjög vel inn í þetta hjá okkur í ÍBV. Hann er taktískt klókur og hefur mikið vit á þessu,“ sagði Gunnar Heiðar. En er hann byrjaður að skilja Kristján?Kristján Guðmundsson, þjálfari bikarmeistara ÍBV.Vísir/Eyþór„Ég skildi hann tiltölulega fljótt. Ég þurfti að aðlagast alls konar menningu og alls konar týpum í þessi ellefu ár sem ég var úti og var fljótur að ná Kristjáni.“ Gunnar Heiðar hefur verið iðinn við kolann að undanförnu og er kominn með sjö mörk í deild og bikar í sumar. Hann nýtur þess að vera heill heilsu og spila af krafi. „Þetta er ótrúlega ljúft en hefur kostað þvílíka vinnu. Ég var byrjaður að finna taktinn eftir að ég kom heim en fljótlega meiddist ég og var á annarri löppinni síðustu leikina til að hjálpa liðinu að halda sér uppi. Allt síðasta ár var ég eiginlega úti, fór í uppskurð, var lengi að koma til baka og komst aldrei í almennilegt form. Ég hef svo tekið góðan tíma og unnið samviskusamlega að því að koma mér í gang fyrir þetta tímabil,“ sagði Gunnar Heiðar. Pepsi Max-deild karla Mest lesið Bætti á sig átta kílóum, vann tvöfalt og er á leið út Handbolti Forest bannaði Neville að mæta á völlinn Enski boltinn Sunderland vann milljónaleikinn og komst upp í úrvalsdeildina Enski boltinn Sjáðu neglur Arons og ótrúlegt skallamark þess sænska Íslenski boltinn Matic reyndist sannspár með söluna á McTominay Fótbolti Íslandsmeistarinn Ægir Þór: „Þetta er bara algjör þvæla“ Körfubolti Vildi ekki skipta um lið bara til þess eins að skipta um lið Handbolti Uppgjörið: Þór/KA - Stjarnan 1-0 | Mark Söndru Maríu skildi á milli Íslenski boltinn Vann meistarana í gær og valin í landsliðið í dag Fótbolti Salah bestur og Gravenberch besti ungi Enski boltinn Fleiri fréttir Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Í beinni: Víkingur - ÍA | Geta komist á toppinn Í beinni: Vestri - Stjarnan | Ísfirðingar geta komist á toppinn Sjáðu laglegt sigurmark Ídu gegn meisturunum og vítavörslu Kötlu Leik lokið: KA - Afturelding 1-0 | KA slapp fyrir horn Uppgjörið: Þór/KA - Stjarnan 1-0 | Mark Söndru Maríu skildi á milli Sjáðu neglur Arons og ótrúlegt skallamark þess sænska „Í dag unnum við þetta eins og fjölskylda“ „Skil ekki af hverju við erum alltaf að koma fólki á óvart“ „Ertu galinn? Þetta var frábær fótboltaleikur“ Mikið áfall fyrir ÍBV: Sowe með slitið krossband og Oliver frá næstu vikurnar Uppgjörið: KR - Fram 2-3 | Byström sökkti KR-ingum sem hafa tapað þremur í röð Uppgjörið: FH - Breiðablik 2-1 | Fyrsta tap meistaranna kom í Krikanum Uppgjörið: Valur - Víkingur 1-1 | Jafntefli sem gerir lítið fyrir bæði lið Uppgjörið: Fram - Tindastóll 1-0 | Murielle tryggði sigurinn í blálokin Þeir bestu (6. sæti): Mókollur, Uxi og sumarið 1995 Sandra tekur „rykugu hanskana af hillunni“ til hjálpar FH Þeir bestu (8.-7. sæti): Markamaskínur frá Dalvík og Danmörku Þeir bestu ( 10.-9. sæti): Hörkutól með hæfileika „Finnst áran yfir þessu Þróttaraliði virkilega góð“ Sigurður Breki viðbeinsbrotinn og frá í fjórar vikur Skemmtikrafturinn spilar ekki meira fyrir nýliðana Þeir bestu (15.-11.): Rótarskot frá Skotlandi og El Salvador, sögurnar af Sigga og gullfóturinn Sjáðu Örvar fara á flug, perlu Kjartans og mark úr óvæntustu átt „Við erum með fókus á þessu og æfum þetta alveg nokkuð stíft“ Uppgjörið: Stjarnan - Víkingur 2-2 | Hornspyrnur urðu heimamönnum að falli Uppgjörið: ÍA - FH 1-3 | FH spyrnti sér af botninum með sigri á Skaganum Uppgjörið: Breiðablik - Valur 2-1 | Blikar á toppinn Tveir Vestramenn fluttir með sjúkrabíl eftir leik í gær Þeir bestu (20.-16. sæti): Glæsilegur endir gamalla manna og dönsku demantarnir í Kaplakrika Sjá meira
Þegar Gunnar Heiðar Þorvaldsson sneri aftur til ÍBV fyrir tveimur árum sagði hann að það eina sem hann ætti eftir að afreka á ferlinum væri að vinna titil með ÍBV. Hann gat strikað það af listanum á laugardaginn. Gunnar Heiðar skoraði þá eina markið í 1-0 sigri ÍBV á FH í úrslitaleik Borgunarbikarsins á Laugardalsvelli. Þetta var í fimmta sinn sem ÍBV verður bikarmeistari og í fyrsta sinn síðan 1998 sem liðið vinnur stóran titil. Langri bið eftir titli lauk því á laugardaginn.„Við erum í skýjunum með þetta og við erum vel að þessu komnir,“ sagði Gunnar Heiðar í samtali við Fréttablaðið. Að hans sögn fengu bikarmeistararnir höfðinglegar móttökur í Eyjum á laugardagskvöldið. „Þetta var ótrúlegt. Þegar maður bjó úti sá maður móttökurnar sem handboltaliðið fékk og gerði sér einhverja grein fyrir hvernig þetta væri. En þetta var miklu meira og flottara en það.“ Eftir að hafa orðið markakóngur Landsbankadeildarinnar með silfurliði ÍBV 2004 hélt Gunnar Heiðar út í atvinnumennsku. Hann lék í alls ellefu ár erlendis, með níu félögum í sex löndum. Hann sneri aftur til ÍBV um mitt sumar 2015 og er núna kominn með titil á ferilskrána. Gunnar Heiðar, sem er 35 ára, segir þá tilfinningu að vinna titil með uppeldisfélagi sínu afar góða. „Ég held að það sé örugglega enn sætara að vinna titil með sínu uppeldisfélagi en öðru félagi. Ég þekki það reyndar ekki, þetta var minn fyrsti titill. Að hafa gert þetta með ÍBV er ólýsanlegt. Ég gæti ekki verið sáttari,“ sagði Gunnar Heiðar.Gunnar Heiðar fagnar marki sínu í bikarúrslitaleiknum.mynd/hafliði breiðfjörðEyjamenn voru miklu betri aðilinn í fyrri hálfleiknum í bikarúrslitaleiknum og leiddu 1-0 í hálfleik. FH-ingar sóttu stíft fyrstu 20 mínúturnar í seinni hálfleik en Eyjamenn stóðust áhlaupið. Og á lokamínútunum voru þeir líklegri til að bæta við en FH-ingar að jafna. „Eftir að við unnum Stjörnuna hugsaði ég hvort ég vildi frekar fá FH eða Leikni R. í úrslitaleiknum. Það voru plúsar og mínusar við bæði lið en mig langaði eiginlega frekar að mæta FH. Við höfum haft góð tök á þeim síðustu ár. Við vitum hvernig þeir spila og það hentar okkar kerfi vel. Svo hentar það okkur vel þegar allir eru búnir að afskrifa okkur,“ sagði Gunnar Heiðar. „Við vildum halda kerfinu okkar en gerðum smá tilfærslur. Við vildum láta vængbakverðina okkar loka á kantmennina þeirra og reyna frekar að láta bakverðina fá boltann og láta þá spila inn á miðjuna þar sem við erum þéttir fyrir. Svo þurftum við að treysta á skyndisóknir. Eftir smá tíma fundum við taktinn og héldum boltanum vel. Við sýndum að við erum með gott lið og leikáætlun okkar gekk eiginlega fullkomlega upp.“Emil Pálsson sækir að Gunnari Heiðari.mynd/hafliði breiðfjörðÞótt ÍBV sé bikarmeistari er staða liðsins í Pepsi-deildinni ekki góð. Eyjamenn sitja í ellefta og næstneðsta sæti deildarinnar með 13 stig, þremur stigum frá öruggu sæti. Gunnar Heiðar segir að það hafi lítið vantað upp á hjá ÍBV í mörgum deildarleikjum í sumar. „Auðvitað er þetta svolítið sérstakt. En þegar maður lítur heilt yfir á þessa leiki hafa þeir verið jafnir og við með þá í hendi okkar. Svo missum við þá frá okkur með barnalegum mistökum,“ sagði Gunnar Heiðar og benti á síðustu tvo deildarleiki ÍBV sem enduðu báðir með jafntefli. Auk þess að vera leikmaður ÍBV er Gunnar Heiðar aðstoðarmaður Kristjáns Guðmundssonar, þjálfara liðsins. Hann ber honum vel söguna. „Ég held að allir séu sammála um að hann sé svolítið sérstakur karakter. En hann passar mjög vel inn í þetta hjá okkur í ÍBV. Hann er taktískt klókur og hefur mikið vit á þessu,“ sagði Gunnar Heiðar. En er hann byrjaður að skilja Kristján?Kristján Guðmundsson, þjálfari bikarmeistara ÍBV.Vísir/Eyþór„Ég skildi hann tiltölulega fljótt. Ég þurfti að aðlagast alls konar menningu og alls konar týpum í þessi ellefu ár sem ég var úti og var fljótur að ná Kristjáni.“ Gunnar Heiðar hefur verið iðinn við kolann að undanförnu og er kominn með sjö mörk í deild og bikar í sumar. Hann nýtur þess að vera heill heilsu og spila af krafi. „Þetta er ótrúlega ljúft en hefur kostað þvílíka vinnu. Ég var byrjaður að finna taktinn eftir að ég kom heim en fljótlega meiddist ég og var á annarri löppinni síðustu leikina til að hjálpa liðinu að halda sér uppi. Allt síðasta ár var ég eiginlega úti, fór í uppskurð, var lengi að koma til baka og komst aldrei í almennilegt form. Ég hef svo tekið góðan tíma og unnið samviskusamlega að því að koma mér í gang fyrir þetta tímabil,“ sagði Gunnar Heiðar.
Pepsi Max-deild karla Mest lesið Bætti á sig átta kílóum, vann tvöfalt og er á leið út Handbolti Forest bannaði Neville að mæta á völlinn Enski boltinn Sunderland vann milljónaleikinn og komst upp í úrvalsdeildina Enski boltinn Sjáðu neglur Arons og ótrúlegt skallamark þess sænska Íslenski boltinn Matic reyndist sannspár með söluna á McTominay Fótbolti Íslandsmeistarinn Ægir Þór: „Þetta er bara algjör þvæla“ Körfubolti Vildi ekki skipta um lið bara til þess eins að skipta um lið Handbolti Uppgjörið: Þór/KA - Stjarnan 1-0 | Mark Söndru Maríu skildi á milli Íslenski boltinn Vann meistarana í gær og valin í landsliðið í dag Fótbolti Salah bestur og Gravenberch besti ungi Enski boltinn Fleiri fréttir Uppgjörið: Valur - ÍBV 3-0 | Valsmenn gengu frá Eyjamönnum í fyrri hálfleik Í beinni: Víkingur - ÍA | Geta komist á toppinn Í beinni: Vestri - Stjarnan | Ísfirðingar geta komist á toppinn Sjáðu laglegt sigurmark Ídu gegn meisturunum og vítavörslu Kötlu Leik lokið: KA - Afturelding 1-0 | KA slapp fyrir horn Uppgjörið: Þór/KA - Stjarnan 1-0 | Mark Söndru Maríu skildi á milli Sjáðu neglur Arons og ótrúlegt skallamark þess sænska „Í dag unnum við þetta eins og fjölskylda“ „Skil ekki af hverju við erum alltaf að koma fólki á óvart“ „Ertu galinn? Þetta var frábær fótboltaleikur“ Mikið áfall fyrir ÍBV: Sowe með slitið krossband og Oliver frá næstu vikurnar Uppgjörið: KR - Fram 2-3 | Byström sökkti KR-ingum sem hafa tapað þremur í röð Uppgjörið: FH - Breiðablik 2-1 | Fyrsta tap meistaranna kom í Krikanum Uppgjörið: Valur - Víkingur 1-1 | Jafntefli sem gerir lítið fyrir bæði lið Uppgjörið: Fram - Tindastóll 1-0 | Murielle tryggði sigurinn í blálokin Þeir bestu (6. sæti): Mókollur, Uxi og sumarið 1995 Sandra tekur „rykugu hanskana af hillunni“ til hjálpar FH Þeir bestu (8.-7. sæti): Markamaskínur frá Dalvík og Danmörku Þeir bestu ( 10.-9. sæti): Hörkutól með hæfileika „Finnst áran yfir þessu Þróttaraliði virkilega góð“ Sigurður Breki viðbeinsbrotinn og frá í fjórar vikur Skemmtikrafturinn spilar ekki meira fyrir nýliðana Þeir bestu (15.-11.): Rótarskot frá Skotlandi og El Salvador, sögurnar af Sigga og gullfóturinn Sjáðu Örvar fara á flug, perlu Kjartans og mark úr óvæntustu átt „Við erum með fókus á þessu og æfum þetta alveg nokkuð stíft“ Uppgjörið: Stjarnan - Víkingur 2-2 | Hornspyrnur urðu heimamönnum að falli Uppgjörið: ÍA - FH 1-3 | FH spyrnti sér af botninum með sigri á Skaganum Uppgjörið: Breiðablik - Valur 2-1 | Blikar á toppinn Tveir Vestramenn fluttir með sjúkrabíl eftir leik í gær Þeir bestu (20.-16. sæti): Glæsilegur endir gamalla manna og dönsku demantarnir í Kaplakrika Sjá meira