Sjáðu ótrúlega þrennu Ronaldo

Cristiano Ronaldo skoraði öll þrjú mörkin þegar Real Madrid hafði betur gegn grönnum sínum, Atletico Madrid, í fyrri leik liðanna í undanúrslitum Meistaradeildar Evrópu, 3-0.

Real stjórnaði leiknum frá fyrstu mínútu og Ronaldo var aðalstjarnan í sýningunni, eins og sjá má í meðfylgjandi myndbandi.

Hann skoraði fimm mörk í rimmu Real gegn Bayern München í fjórðungsúrslitum keppninnar og nú stefnir í að Real sé á leið í sinn þriðja úrslitaleik í Meistaradeildinni á síðustu fjórum árum.

Ronaldo er markahæsti leikmaður í sögu Meistaradeildarinnar með 103 mörk. Þar af hefur hann skorað 52 mörk í leikjum í útsláttarkeppninni - einu meira en í riðlakeppninni.