Allt er þegar þrennt er hjá Matthew Bellamy

Matthew Bellamy, söngvari hljómsveitarinnar Muse, hefur nú trúlofað sig í þriðja sinn. Hann bar upp bónorð til fyrirsætunnar Elle Evans aðeins örfáum dögum eftir tuttugu og átta ára afmælið hennar. Evans svaraði stóru spurningunni játandi og greindi frá fréttunum með fylgendum sínum á Twitter.

Parið var statt á Fiji-eyjum þegar þau trúlofuðu sig en Evans segir dvölina hafa verið virkilega rómantíska. TMZ greinir frá þessu.

Evans segist ekki geta ímyndað sér lífið án hans og sér fyrir sér bjarta framtíð sem einkennist af ást og hlýju með vinum og fjölskyldu.

Þetta er í þriðja skipti sem Matthew trúlofar sig en áður var söngvarinn trúlofaður ítalska sálfræðingnum Gaiu Polloni og nú síðast leikkonunni Kate Hudson.