„Volksverräter“ valið versta orð ársins í Þýskalandi

Orðið „Volksverräter“ hefur verið valið „versta orð ársins“ í Þýskalandi.

Orðið merkir „svikari þjóðar“ en sérstök dómnefnd í bænum Darmstadt, sem skipuð er fjórum þýskufræðingum og einum blaðamanni, hefur valið versta orð þýskrar tungu á ári hverju frá 1991.

Þýskir fjölmiðlar greina frá því að í rökstuðningi dómnefndar komi fram að orðið sé arfleifð frá tímum einræðisherra og með vísun í Þýskaland nasista.

Orðið komst í fréttirnar á síðasta ári þegar hópur nýnasista hrópaði „Volksverräter“ að varakanslaranum og leiðtoga Jafnaðarmanna, Sigmar Gabriel, í heimsókn hans til Salzgitter, lítils bæjar skammt frá Hannover.

Gabriel svaraði mönnunum með því að gefa þeim fingurinn.

Orðið „Gutmensch“ – sem svarar til hugtaksins „Góða fólkið“ – var valið versta orð ársins 2015 af sömu dómnefnd.

Sjá má atvikið með Gabriel í spilaranum að neðan.