Vonandi gaman að syngja og þá gaman að hlusta Magnús Guðmundsson skrifar 18. maí 2017 11:00 Sigurður Bragason, tónskáld og söngvari. Nýtt verk eftir hann verður frumflutt á 30 ára afmælistónleikum Árbæjarkirkju í kvöld. Visir/GVA Sigurði Bragasyni er margt til lista lagt en auk þess að vera kunnur fyrir söng bæði hér heima og utan landsteinanna hefur hann einnig samið nokkur tónverk og fjölda laga fyrir kóra og einsöngvara. Í kvöld kl. 20 verður frumflutt nýtt verk eftir Sigurð á afmælistónleikum Árbæjarkirkju en Sigurður segir að þau hafi pantað verkið frá honum á sínum tíma. „Þau höfðu verið að flytja Ave Maríuna mína á nokkrum tónleikum og af mörgum kórum. Í framhaldi af því hafði Krisztina Kalló Szklenár, stjórnandi og organisti við kirkjuna, samband við mig og bað mig um að semja verk sem væri í svipuðum stíl og Ave María. Hún bað um mjög lagrænt verk og þar sem ég hafði verið að frumflytja annað verk á stórum styrktartónleikum fyrr í vetur þá reyndist þetta verða ansi mikil vinna að vera með bæði þessi verkefni í gangi á sama tíma. En það tókst að klára þetta í tíma.“ Sigurður segir að verkið sé samið við þrjá ljóðabálka eftir Jón Arason, biskup á Hólum. „Þetta verður frumflutningur í kvöld og á laugardaginn kl. 16 verðum við svo í Skálholti þar sem Jón var reyndar tekinn af lífi blessaður,“ segir Sigurður og víkur að því hvers vegna ljóð eftir Jón Arason hafi orðið fyrir valinu. „Ave Marían er í svona lagrænum og aðeins eldri stíl þó svo að hljómasamsetningin sé nýleg þannig séð. Gæti verið úr gamalli tónlist rétt eins og úr popptónlist og þá jafnvel frá Bítlunum. Ég hugsaði með mér að það væri gaman að vera með skáld frá gamla tímanum en vera svo með í verkinu hljóma sem tengjast okkar tímum og þá einkum léttari tónlist. Þannig næst að hafa þetta lagrænt þannig að nánast allir geta sungið þetta en samt er mikið í þetta lagt og vefnaðurinn flókinn. Ég nota mikið kontrapunkt sem er þessi gamla tónsmíðaaðferð og leitast við að hafa þetta hljómrænt og gera þetta þannig að fólkinu finnist gaman að syngja þetta og vonandi þá hlustendum gaman að hlusta.“ Auk þess að blanda saman gömlum og nýjum tíma þá nýtir Sigurður einnig kirkjuna sjálfa fyrir verkið. „Já, ég ákvað að semja þetta verk fyrir kór og bergmálskór sem er staðsettur hinum megin í kirkjunni. Í einum þættinum munu einsöngvararnir svo mynda kross þannig að sópraninn stendur við altarið og tenórinn í hinum enda kirkjunnar, bassinn hægra megin við áhorfendur í kirkjunni en altinn vinstra megin. Þannig mynda þau kross og kallast á hvert við annað. Þannig að ég er svona aðeins að leitast við að nota kirkjuna sem hljóðfæri. Árbæjarkirkja er nefnilega góð til tónleikahalds, orgelið er mjög gott og þarna er fallegur hljómur og aðstaða öll til fyrirmyndar. Það verður líka boðið upp á kaffi og konfekt eftir tónleikana en svo eru þau að fara að byggja nýtt safnaðarheimili þannig að það er heilmikið að gerast í kirkjustarfinu.“ Það er í mörg horn að líta hjá Sigurði þessa dagana en hann hefur verið að taka upp geisladisk að undanförnu en þar er hann í hlutverki söngvarans. „Ég hef verið við það úti í Düsseldorf og hann er að fara að klárast. Vonandi kem ég með hann fyrir næstu jól en þar er ég að syngja Tsjaíkovskíj, Liszt og líka Pál Ísólfsson, Jón Leifs og Jón Þórarinsson svo einhverjir séu nefndir. Þetta er tónlist frá sex löndum, allt litauðug verk og mörg hver viðamikil. Afar skemmtilegt verkefni. En svo er að koma út frá mér þessa dagana bók með fjórtán kór- og einsöngslögum undir titlinum Tært drýpur vatnið. Þannig að það er nóg að gera.“ Greinin birtist fyrst í Fréttablaðinu 18. maí. Menning Mest lesið „Þetta er lúmskt skrímsli“ Lífið Segist hafa gert merka uppgötvun nú þegar hann „nálgast endalok lífs“ síns Lífið Batinn á vefjagigt kom úr óvæntri átt Lífið samstarf Rapphljómsveit til rannsóknar hjá hryðjuverkadeildinni Lífið Michael Bolton með ólæknandi krabbamein Lífið Dóttir De Niro kemur út sem trans Lífið 50+: Tómleikatilfinningin þegar börnin fljúga úr hreiðrinu Áskorun Forsalan sögð slá öll fyrri met Lífið Gerði samning við Apple: „Þetta er ótrúleg viðurkenning“ Lífið Justin Bieber nýtur sín norður í landi Lífið Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira
Sigurði Bragasyni er margt til lista lagt en auk þess að vera kunnur fyrir söng bæði hér heima og utan landsteinanna hefur hann einnig samið nokkur tónverk og fjölda laga fyrir kóra og einsöngvara. Í kvöld kl. 20 verður frumflutt nýtt verk eftir Sigurð á afmælistónleikum Árbæjarkirkju en Sigurður segir að þau hafi pantað verkið frá honum á sínum tíma. „Þau höfðu verið að flytja Ave Maríuna mína á nokkrum tónleikum og af mörgum kórum. Í framhaldi af því hafði Krisztina Kalló Szklenár, stjórnandi og organisti við kirkjuna, samband við mig og bað mig um að semja verk sem væri í svipuðum stíl og Ave María. Hún bað um mjög lagrænt verk og þar sem ég hafði verið að frumflytja annað verk á stórum styrktartónleikum fyrr í vetur þá reyndist þetta verða ansi mikil vinna að vera með bæði þessi verkefni í gangi á sama tíma. En það tókst að klára þetta í tíma.“ Sigurður segir að verkið sé samið við þrjá ljóðabálka eftir Jón Arason, biskup á Hólum. „Þetta verður frumflutningur í kvöld og á laugardaginn kl. 16 verðum við svo í Skálholti þar sem Jón var reyndar tekinn af lífi blessaður,“ segir Sigurður og víkur að því hvers vegna ljóð eftir Jón Arason hafi orðið fyrir valinu. „Ave Marían er í svona lagrænum og aðeins eldri stíl þó svo að hljómasamsetningin sé nýleg þannig séð. Gæti verið úr gamalli tónlist rétt eins og úr popptónlist og þá jafnvel frá Bítlunum. Ég hugsaði með mér að það væri gaman að vera með skáld frá gamla tímanum en vera svo með í verkinu hljóma sem tengjast okkar tímum og þá einkum léttari tónlist. Þannig næst að hafa þetta lagrænt þannig að nánast allir geta sungið þetta en samt er mikið í þetta lagt og vefnaðurinn flókinn. Ég nota mikið kontrapunkt sem er þessi gamla tónsmíðaaðferð og leitast við að hafa þetta hljómrænt og gera þetta þannig að fólkinu finnist gaman að syngja þetta og vonandi þá hlustendum gaman að hlusta.“ Auk þess að blanda saman gömlum og nýjum tíma þá nýtir Sigurður einnig kirkjuna sjálfa fyrir verkið. „Já, ég ákvað að semja þetta verk fyrir kór og bergmálskór sem er staðsettur hinum megin í kirkjunni. Í einum þættinum munu einsöngvararnir svo mynda kross þannig að sópraninn stendur við altarið og tenórinn í hinum enda kirkjunnar, bassinn hægra megin við áhorfendur í kirkjunni en altinn vinstra megin. Þannig mynda þau kross og kallast á hvert við annað. Þannig að ég er svona aðeins að leitast við að nota kirkjuna sem hljóðfæri. Árbæjarkirkja er nefnilega góð til tónleikahalds, orgelið er mjög gott og þarna er fallegur hljómur og aðstaða öll til fyrirmyndar. Það verður líka boðið upp á kaffi og konfekt eftir tónleikana en svo eru þau að fara að byggja nýtt safnaðarheimili þannig að það er heilmikið að gerast í kirkjustarfinu.“ Það er í mörg horn að líta hjá Sigurði þessa dagana en hann hefur verið að taka upp geisladisk að undanförnu en þar er hann í hlutverki söngvarans. „Ég hef verið við það úti í Düsseldorf og hann er að fara að klárast. Vonandi kem ég með hann fyrir næstu jól en þar er ég að syngja Tsjaíkovskíj, Liszt og líka Pál Ísólfsson, Jón Leifs og Jón Þórarinsson svo einhverjir séu nefndir. Þetta er tónlist frá sex löndum, allt litauðug verk og mörg hver viðamikil. Afar skemmtilegt verkefni. En svo er að koma út frá mér þessa dagana bók með fjórtán kór- og einsöngslögum undir titlinum Tært drýpur vatnið. Þannig að það er nóg að gera.“ Greinin birtist fyrst í Fréttablaðinu 18. maí.
Menning Mest lesið „Þetta er lúmskt skrímsli“ Lífið Segist hafa gert merka uppgötvun nú þegar hann „nálgast endalok lífs“ síns Lífið Batinn á vefjagigt kom úr óvæntri átt Lífið samstarf Rapphljómsveit til rannsóknar hjá hryðjuverkadeildinni Lífið Michael Bolton með ólæknandi krabbamein Lífið Dóttir De Niro kemur út sem trans Lífið 50+: Tómleikatilfinningin þegar börnin fljúga úr hreiðrinu Áskorun Forsalan sögð slá öll fyrri met Lífið Gerði samning við Apple: „Þetta er ótrúleg viðurkenning“ Lífið Justin Bieber nýtur sín norður í landi Lífið Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira