Texas Maggi mættur á Vísi: Heimsækir heimili umdeilda rúnnstykkisins

Magnús Ingi Magnússon, betur þekktur sem Texas Maggi, er mættur til leiks á Vísi og verður hann með vefþættina Meistaraeldhús vikunnar í sumar.

Maggi er ávallt hress og skemmtilegur og virkilega lunkinn sjónvarpsmaður. Í fyrsta þætti skellir Texas Maggi sér til Húsavíkur og fer í heimsókn á Gamla Baukinn. Kaffihús sem vakti mikla athygli á dögunum fyrir að selja rúnstykki með skinku og osti á 1.190 krónur.

Þar ræddi hann við Zófonías Árnason sem starfar á Gamla Bauknum en staðurinn er orðinn 24 ára.

Hér að neðan má sjá fyrsta þáttinn með Texas Magga hér á Vísi.is.