Vel yfir sjö þúsund manns séð Undir trénu

Undir trénu er í öðru sæti aðsóknarlistans eftir frumsýningarhelgina, en um helgina sáu hana 5,040 manns og alls 7,502 með forsýningum. Þetta kemur fram á vefsíðunni Klapptré.

Um er að ræða mjög góða opnun á íslenskri kvikmynd og á pari við Vonarstræti (2014 – 7.671 manns á opnunarhelgi) og Ég man þig (2017 – 7,728 manns á opnunarhelgi) en nokkuð fyrir neðan Eiðinn (2016 – 8,861 manns á opnunarhelgi).

Þessar þrjár myndir hafa allar náð hátt að fimmtíu þúsund gesta heildaraðsókn og gæti Undir trénu náð þeim árangri.

Hér að neðan má sjá nýjustu tölur frá Klapptré.