Víkingur Heiðar fékk loksins fálkaorðuna sína í dag

Víkingur Heiðar Ólafsson píanóleikari fékk afhenta fálkaorðu á Bessastöðum í dag. Víkingur Heiðar var einn þeirra fjórtán Íslendinga sem Guðni Th. Jóhannsson sæmdi heiðursmerki hinnar íslensku fálkaorðu þann 17.júní. Hann hafði þó ekki fengið sína orðu afhenta þar sem hann hefur eytt svo miklum tíma erlendis í sumar.

Víkingur Heiðar tók við fálkaorðunni sinni á Bessastöðum í dag og birti mynd af því á Instagram.

„Ég er innilega þakklátur fyrir þennan heiður,“ skrifaði Víkingur Heiðar við myndina. Hann lýsir forsetanum sem klárum, áhugaverðum og fyndnum manni.

Víkingur Heiðar er tilnefndur til tónlistarverðlauna Norðurlandaráðs sem afhent verða þann 1.nóvember næstkomandi í Finlandiahúsinu í Helsinki.

With the Icelandic president, Guðni Th Jóhannesson, at Bessastaðir today. I was awarded The Order of the Falcon in June but was away for concerts more or less the entire summer and finally had an opportunity to receive the medal today. I'm deeply grateful for the great honour I have been shown - and thankful to the president for being such a brilliant, fun and interesting man to meet.

A post shared by Víkingur Ólafsson (@vikingurolafsson) on Aug 21, 2017 at 12:33pm PDT