Fanndís ekki búin að skrifa undir

Fanndís Friðriksdóttir er ekki búin að semja við Marseille í Frakklandi, eins og greint var frá um síðustu helgi. Þetta staðfesti Freyr Alexandersson, landsliðsþjálfari Íslands, á blaðamannafundi í Laugardalnum í dag.

„Fanndís er ekki búin að skrifa undir,“ sagði Freyr á fundinum, sem haldin var vegna tilvonandi landsleiks Íslands og Færeyja í undankeppni Heimsmeistaramótsins 2019 sem fram fer í Frakklandi.

„Blikar voru aðeins of fljótir á sér að tilkynna þetta. Hún er þar núna [í Marseille],“ sagði Freyr, sem talaði við Fanndísi í morgun eftir að hún æfði með franska liðinu. 

Samkvæmt Frey er tilboð á borðinu frá Marseille, en einnig frá fleiri liðum. Fanndís ákveður sig svo í kvöld hvar hún skrifar undir, en ljóst er að hún sé á förum frá Breiðabliki.