Réðust á fimmtán ára dreng

Lögreglu barst tilkynning klukkan 19:25 í gærkvöldi um líkamsárás við Mjódd. Tveir menn höfðu ráðist á fimmtán ára gamlan dreng og meðal annars veitt honum augnáverka. Mennirnir voru farnir af vettvangi þegar lögregla kom á staðinn en vitað er hverjir þeir eru.

Um klukkan hálf tíu í gærkvöldi barst lögreglu tilkynning um tjón á ökutæki við Freyjugötu. Grýlukerti hafði fallið frá þakbrún húss og valdið tjóni á þaki og framrúðu bifreiðarinnar.

Þá voru þrír ökumenn stöðvaðir í nótt grunaðir um akstur bifreiðar undir áhrifum fíkniefna.