Um skáld þorps og þjóðar Gunnþóra Gunnarsdóttir skrifar 28. janúar 2017 09:30 "Ég hef haldið upp á Jón úr Vör lengi, hann er einn af mínum eftirlætishöfundum,“ segir Aðalsteinn Ásberg. Fréttablaðið/Vilhelm Ég kafaði dálítið ofan í skáldskapinn hans Jóns úr Vör áður en heildarútgáfa ljóða hans varð að veruleika. Um hann ætla ég að fjalla,“ segir Aðalsteinn Ásberg Sigurðsson, útgefandi, rithöfundur og skáld, um framlag sitt á málþingi sem haldið verður í Bókasafni Kópavogs í dag og hefst klukkan 13. Það ber yfirskriftina Jón úr Vör – skáld þorps og þjóðar. Auk Aðalsteins Ásbergs verða þau Þorsteinn frá Hamri, Hjörtur Pálsson og Fríða Ísberg þar með innlegg, Þorsteinn og Fríða með ávörp og Hjörtur fjallar um ævi skáldsins. En í upphafi dagskrár verður fimmtán mínútna heimildamynd Marteins Sigurgeirssonar um Jón sýnd. Aðalsteinn Ásberg segir ljóð Jóns úr Vör góða lesningu. Hann á heiðurinn af nýrri og glæsilegri útgáfu ljóðasafns hans í tveimur bindum. Tilefni hvors tveggja, málþingsins og útgáfunnar nú, er það að skáldið hefði orðið 100 ára 21. þessa mánaðar. „Jón úr Vör er skáld af þeirri stærðargráðu að mér fannst við hæfi að safna ljóðum hans saman í heildarútgáfu, það er ákveðinn þráður í æviverkinu og fyrri bækur hans eru orðnar sjaldséðar, jafnvel á bókasöfnum,“ segir Aðalsteinn Ásberg og heldur áfram. „Þorpið, sem kom út 1946, gerði Jón með tímanum þjóðkunnan en mér fannst mikilvægt að aðrar bækur hans stæðu ekki sífellt í skugga þess, það var meðal annars tilgangurinn með því að safna ljóðunum saman. Svo er seinni tíma verkefni að gefa út úrval.“ Lista- og menningarráð Kópavogsbæjar efnir árlega til ljóðasamkeppni undir heitinu Ljóðstafur Jóns úr Vör og eru verðlaun í þeirri keppni jafnan veitt á afmælisdegi skáldsins. Handhafi Ljóðstafsins 2017 er Ásta Fanney Sigurðardóttir. Aðgangur að málþinginu í dag er ókeypis og allir eru hjartanlega velkomnir. Með því lýkur Dögum ljóðsins í Kópavogi. Greinin birtist fyrst í Fréttablaðinu 28. janúar 2017. Menning Mest lesið Michael Bolton með ólæknandi krabbamein Lífið Forsalan sögð slá öll fyrri met Lífið Gerði samning við Apple: „Þetta er ótrúleg viðurkenning“ Lífið „Þetta er lúmskt skrímsli“ Lífið Justin Bieber nýtur sín norður í landi Lífið Segir netheima kexruglaðra hafa gert sig að mennskum boxpúða Lífið „Burtu með fordóma“ tónleikar á Selfossi 1. maí Lífið Hafa náð að auka ráðstöfunartekjur sínar um 37 prósent Lífið Hver myndi vinna í slag, hundrað gaurar eða ein górilla? Lífið Gengst við kókaínfíkn sinni Lífið Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira
Ég kafaði dálítið ofan í skáldskapinn hans Jóns úr Vör áður en heildarútgáfa ljóða hans varð að veruleika. Um hann ætla ég að fjalla,“ segir Aðalsteinn Ásberg Sigurðsson, útgefandi, rithöfundur og skáld, um framlag sitt á málþingi sem haldið verður í Bókasafni Kópavogs í dag og hefst klukkan 13. Það ber yfirskriftina Jón úr Vör – skáld þorps og þjóðar. Auk Aðalsteins Ásbergs verða þau Þorsteinn frá Hamri, Hjörtur Pálsson og Fríða Ísberg þar með innlegg, Þorsteinn og Fríða með ávörp og Hjörtur fjallar um ævi skáldsins. En í upphafi dagskrár verður fimmtán mínútna heimildamynd Marteins Sigurgeirssonar um Jón sýnd. Aðalsteinn Ásberg segir ljóð Jóns úr Vör góða lesningu. Hann á heiðurinn af nýrri og glæsilegri útgáfu ljóðasafns hans í tveimur bindum. Tilefni hvors tveggja, málþingsins og útgáfunnar nú, er það að skáldið hefði orðið 100 ára 21. þessa mánaðar. „Jón úr Vör er skáld af þeirri stærðargráðu að mér fannst við hæfi að safna ljóðum hans saman í heildarútgáfu, það er ákveðinn þráður í æviverkinu og fyrri bækur hans eru orðnar sjaldséðar, jafnvel á bókasöfnum,“ segir Aðalsteinn Ásberg og heldur áfram. „Þorpið, sem kom út 1946, gerði Jón með tímanum þjóðkunnan en mér fannst mikilvægt að aðrar bækur hans stæðu ekki sífellt í skugga þess, það var meðal annars tilgangurinn með því að safna ljóðunum saman. Svo er seinni tíma verkefni að gefa út úrval.“ Lista- og menningarráð Kópavogsbæjar efnir árlega til ljóðasamkeppni undir heitinu Ljóðstafur Jóns úr Vör og eru verðlaun í þeirri keppni jafnan veitt á afmælisdegi skáldsins. Handhafi Ljóðstafsins 2017 er Ásta Fanney Sigurðardóttir. Aðgangur að málþinginu í dag er ókeypis og allir eru hjartanlega velkomnir. Með því lýkur Dögum ljóðsins í Kópavogi. Greinin birtist fyrst í Fréttablaðinu 28. janúar 2017.
Menning Mest lesið Michael Bolton með ólæknandi krabbamein Lífið Forsalan sögð slá öll fyrri met Lífið Gerði samning við Apple: „Þetta er ótrúleg viðurkenning“ Lífið „Þetta er lúmskt skrímsli“ Lífið Justin Bieber nýtur sín norður í landi Lífið Segir netheima kexruglaðra hafa gert sig að mennskum boxpúða Lífið „Burtu með fordóma“ tónleikar á Selfossi 1. maí Lífið Hafa náð að auka ráðstöfunartekjur sínar um 37 prósent Lífið Hver myndi vinna í slag, hundrað gaurar eða ein górilla? Lífið Gengst við kókaínfíkn sinni Lífið Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira