Búið að opna Reykjanesbraut á ný

Lögreglan á höfuðborgarsvæðinu hefur opnað á ný fyrir umferð um Reykjanesbraut. Vegagerðin sendi frá sér tilkynningu vegna lokunarinnar klukkan 20:43 og var vegurinn því lokaður í tæpa tvo klukkutíma.

Um var að ræða harðan árekstur tveggja bíla á einbreiða kaflanum sunnan við Straumsvík. Fjórir voru í bílunum tveimur en þeir voru allir fluttir á sjúkrahús, en þó ekki alvarlega slasaðir og allir með meðvitund. 

Um er að ræða sama vegarkafla og banaslys átti sér stað 21. febrúar síðastliðinn.