Logi Geirsson segir upp

Stefán Ó. Jónsson skrifar 21. janúar 2017 21:31

Handboltakempan Logi Geirsson hefur lagt spekingsskóna á hilluna í kjölfar ósigurs Íslands gegn Frakklandi á Heimsmeistaramótinu í handbolta í dag.

Frá þessu greinir hann á Twittersíðu sinni en hann hefur verið tíður gestur á skjám landsmanna sem spekingur í sjónvarpssal í tengslum við hin ýmsu handboltamót á síðustu árum.

„Minn tími er liðinn,“ segir Logi. „Það er kominn tími á ferskt blóð og nýjar skoðanir.“

Það er óhætt að segja að Logi hafi á sínum tíma verið þetta „ferska blóð“ sem hann minnist á í tísti sínu. Hann fór oft ótroðnar slóðir í handboltarýni sinni sem rataði oftar en ekki í fyrirsagnir á hinum ýmsu vefmiðlum skömmu síðar.

Þá vakti hann oft mikla athygli fyrir klæðaburð sinn, til að mynda þegar hann mætti með forláta gyllt bindi sem setti samfélagsmiðla á annan endann. Á HM í ár var það svo bleikt bindið sem stal senunni.

Hér að neðan má sjá uppsagnartístið.

Þetta verður mitt síðasta stórmót sem spekingur! Minn tími er liðinn⌛ það er kominn tími á ferskt blóð og nýjar skoðanir. #hmruv #handbolti
— Logi Geirsson (@logigeirsson) January 21, 2017

Tengdar fréttir

Logi lét brjóstvöðvana dansa í beinni

Logi Geirsson og Kristján Arason voru sérfræðingar RÚV á leik Vals og Aftureldingar í undanúrslitum Olís-deildar karla sem fram fór í Valsheimilinu í gærkvöldi.

4. maí 2016 10:06

Logi Geirsson: „Dýrustu og flottustu bindi sem er hægt að kaupa sér“

„Ég er ekki að fara mæta með þetta gullbindi aftur, það er alveg á hreinu,“ segir Logi Geirsson, handboltasérfræðingur RÚV sem var með eyrnalokk úr Eyjafjallajökli og rándýrt gullbindi í EM-stofunni í gær.

18. janúar 2016 11:10

Logi Geirsson hitaði upp byssurnar fyrir útsendingu - Myndband

Logi Geirsson, handboltasérfræðingur RÚV og fyrrum landsliðsmaður, hefur farið á kostum í EM-stofunni á RÚV síðustu daga og var enginn undantekning á því í gærkvöldi þegar Króatía slátraði Íslandi og sendi strákana okkar heim.

20. janúar 2016 09:41

Logi Geirs: „Sláðu einhvern utanundir og spurðu hvað ertu að fokking gera“

Landsliðsmaðurinn fyrrverandi sagði fyrri hálfleikinn hjá strákunum okkar gegn Króatíu vandræðalegan.

19. janúar 2016 20:35

Logi tók af sér bleika bindið eftir að Twitter kallaði eftir gullbindinu

Þeir Logi Geirsson og Kristján Arason voru sérfræðingar í HM-stofu RÚV í kvöld þegar fyrsti landsleikur íslenska karlalandsliðsins í handbolta fór fram í Frakklandi. Strákarnir máttu játa sig sigraða og eins og alltaf var umræðan líflega á samfélagsmiðlinum Twitter.

12. janúar 2017 22:28