Handlaginn pabbi smíðaði dýrindis þrautabraut fyrir dóttur sína

Hin fimm ára gamla Lylah MacCall er mikill aðdáandi þáttanna American Ninja Warrior. Pabbi hennar tók sig því til og smíðaði umfangsmikla þrautabraut að hætti þáttanna í bakgarði þeirra.

Lylah hljóp brautina eins og sannur meistari en faðir hennar tók það upp, tók tímann og bætti við köllum og fögnum spenntra áhorfenda til að gera upplifunina sem raunverulegasta. Tuskudýrum hennar hafði verið stillt upp á áhorfendapalla 

American Ninja Warrior nýtur mikilla vinsælda í Bandaríkjunum en áhættuleikkona Jessie Graff hefur verið að slá í gegn með frammistöðu sinni í þáttunum.

Sjá einnig: Fyrsta konan til að fara alla brautina.

Lylah lætur Graff þó ekkert eftir og ANW deildu myndbandinu af henni á Facebook síðu sinni. Pabbi Lylah hefur opnað Gofundme-síðu þar sem hann safnar peningum til að gera brautina í bakgarðinum enn betri.