Enginn Sigmundar Davíðsbragur á Ómari í Illsku Gunnþóra Gunnarsdóttir skrifar 16. febrúar 2016 10:30 Það eru bæði ástir og átök í samskiptum persónanna þriggja sem Sveinn Ólafur, Hannes Óli og Sólveig leika í Illsku. Vísir/Pjetur Þetta er hálfgerð kabarettútfærsla af Illsku. Rauði þráðurinn er saga þriggja persóna og samband þeirra, en á kantinum er hárbeitt ádeila á íslenskt samfélag,“ segir Hannes Óli Ágústsson, einn leikaranna þriggja í Illsku sem frumsýnd verður í Borgarleikhúsinu á fimmtudaginn. Hinir eru Sólveig Guðmundsdóttir og Sveinn Ólafur Gunnarsson. Saman hafa þau unnið tveggja tíma leiksýningu úr hinni yfirgripsmiklu bók Eiríks Arnar Norðdahl sem sló í gegn þegar hún kom út árið 2012. „Leikgerðin er okkar stærsta verkefni við sýninguna,“ segir Hannes Óli. „Þar varð margt að fjúka og meðal annars kaflarnir frá Eystrasaltslöndunum að mestu – vissulega er vísað í þá – en mjög lítillega. Við höldum okkur við Reykjavík Íslands í dag.“ Hann segir þau þremenningana hafa leitað ráða hjá höfundi bókarinnar, Eiríki Erni, sem er vestur á Ísafirði og mætir á frumsýninguna á fimmtudaginn. Bókin Illska fjallar um Agnesi sem elskar Ómar sem elskar Agnesi sem elskar Arnór. Hún hefst á því að þau Agnes og Ómar kynnast snemma á nístingsköldum sunnudagsmorgni í leigubílaröðinni í Lækjargötu. Illska hlaut Íslensku bókmenntaverðlaunin 2012 og bóksalar kusu hana bestu skáldsögu þess árs. Sýningin er marglaga, að sögn Hannesar Óla. „Þar eru samtöl milli persónanna en líka beinar ræður til áhorfenda bæði frá persónum og okkur sjálfum. Svo er sungið og dansað líka. Við höfum dálítið einblínt á þjóðfélagsádeiluna. Árið 2012 fannst manni svo heillandi hvað bókin talaði til fólks eins og heimurinn var þá en við höfum alveg þurft að uppfæra fullt af hlutum til að leikverkið sé fullkomlega í takt við tímann nú. Það hefur gerst svo margt á fjórum árum í pólitísku landslagi heimsins, til dæmis ris popúlisma og hreyfinga sem ala á ótta og útlendingahatri.“ Hannes Óli er orðinn býsna þekktur í gervi forsætisráðherrans okkar. Óttast hann ekki að leikhúsgestir sjái bara Sigmund Davíð á sviðinu. „Nei, ég held að lítil hætta sé á því. Það er enginn Sigmundar Davíðsbragur á Ómari í Illsku, en ef fólki finnst það, er það bara extra bónus.“ Hannes Óli er ekki bara að leika í Illsku heldur líka í kvikmynd sem heitir Grimmd og nú er verið að ljúka tökum á í leikstjórn Antons Sigurðssonar. „Grimmd er æsispennandi löggudrama sem snertir á óþægilegum málum. Þar er fullt af flottum leikurum, þar má nefna Margréti Vilhjálms, Helga Björns og Svein Ólaf, félaga minn úr Illsku,“ lýsir Hannes Óli og vonar að titill næsta verkefnis beri með sér aðeins meiri gleði en þessir tveir. Menning Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Fréttatía vikunnar: Friðlýsing, frumsýning og handtaka Lífið Glæsibústaðir yfir hundrað milljónum Lífið Balta bregst bogalistin Gagnrýni Glæsihöll Livar og Sverris á Arnarnesi til sölu Lífið Hætti að þurfa að ryksuga upp hárin eftir hverja sturtu Lífið samstarf Gamla TR-húsinu umbreytt í Hlemm.haus: „Augljóst að þörfin var gríðarleg“ Menning Eldgos og elskhugar á frumsýningu Eldanna Lífið Fleiri fréttir Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Sjá meira
Þetta er hálfgerð kabarettútfærsla af Illsku. Rauði þráðurinn er saga þriggja persóna og samband þeirra, en á kantinum er hárbeitt ádeila á íslenskt samfélag,“ segir Hannes Óli Ágústsson, einn leikaranna þriggja í Illsku sem frumsýnd verður í Borgarleikhúsinu á fimmtudaginn. Hinir eru Sólveig Guðmundsdóttir og Sveinn Ólafur Gunnarsson. Saman hafa þau unnið tveggja tíma leiksýningu úr hinni yfirgripsmiklu bók Eiríks Arnar Norðdahl sem sló í gegn þegar hún kom út árið 2012. „Leikgerðin er okkar stærsta verkefni við sýninguna,“ segir Hannes Óli. „Þar varð margt að fjúka og meðal annars kaflarnir frá Eystrasaltslöndunum að mestu – vissulega er vísað í þá – en mjög lítillega. Við höldum okkur við Reykjavík Íslands í dag.“ Hann segir þau þremenningana hafa leitað ráða hjá höfundi bókarinnar, Eiríki Erni, sem er vestur á Ísafirði og mætir á frumsýninguna á fimmtudaginn. Bókin Illska fjallar um Agnesi sem elskar Ómar sem elskar Agnesi sem elskar Arnór. Hún hefst á því að þau Agnes og Ómar kynnast snemma á nístingsköldum sunnudagsmorgni í leigubílaröðinni í Lækjargötu. Illska hlaut Íslensku bókmenntaverðlaunin 2012 og bóksalar kusu hana bestu skáldsögu þess árs. Sýningin er marglaga, að sögn Hannesar Óla. „Þar eru samtöl milli persónanna en líka beinar ræður til áhorfenda bæði frá persónum og okkur sjálfum. Svo er sungið og dansað líka. Við höfum dálítið einblínt á þjóðfélagsádeiluna. Árið 2012 fannst manni svo heillandi hvað bókin talaði til fólks eins og heimurinn var þá en við höfum alveg þurft að uppfæra fullt af hlutum til að leikverkið sé fullkomlega í takt við tímann nú. Það hefur gerst svo margt á fjórum árum í pólitísku landslagi heimsins, til dæmis ris popúlisma og hreyfinga sem ala á ótta og útlendingahatri.“ Hannes Óli er orðinn býsna þekktur í gervi forsætisráðherrans okkar. Óttast hann ekki að leikhúsgestir sjái bara Sigmund Davíð á sviðinu. „Nei, ég held að lítil hætta sé á því. Það er enginn Sigmundar Davíðsbragur á Ómari í Illsku, en ef fólki finnst það, er það bara extra bónus.“ Hannes Óli er ekki bara að leika í Illsku heldur líka í kvikmynd sem heitir Grimmd og nú er verið að ljúka tökum á í leikstjórn Antons Sigurðssonar. „Grimmd er æsispennandi löggudrama sem snertir á óþægilegum málum. Þar er fullt af flottum leikurum, þar má nefna Margréti Vilhjálms, Helga Björns og Svein Ólaf, félaga minn úr Illsku,“ lýsir Hannes Óli og vonar að titill næsta verkefnis beri með sér aðeins meiri gleði en þessir tveir.
Menning Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Fréttatía vikunnar: Friðlýsing, frumsýning og handtaka Lífið Glæsibústaðir yfir hundrað milljónum Lífið Balta bregst bogalistin Gagnrýni Glæsihöll Livar og Sverris á Arnarnesi til sölu Lífið Hætti að þurfa að ryksuga upp hárin eftir hverja sturtu Lífið samstarf Gamla TR-húsinu umbreytt í Hlemm.haus: „Augljóst að þörfin var gríðarleg“ Menning Eldgos og elskhugar á frumsýningu Eldanna Lífið Fleiri fréttir Gamla TR-húsinu umbreytt í Hlemm.haus: „Augljóst að þörfin var gríðarleg“ Nanna Rögnvaldardóttir hlýtur verðlaun Guðrúnar Helgadóttur Stórtónleikar og flugeldasýning að vanda á Ljósanótt Neðanjarðarpartý og menningarveisla fyrir öll vit Ný viðbygging við Þjóðleikhúsið „langþráður draumur“ Skammar vini sína: „Hættum Happy birthday á Facebook“ Klórar sér í kollinum yfir nýrri göngubrú: Margt „mjög sérstakt“ sem menn hafi búið til síðustu ár Ráðin nýr verkefnastjóri menningar í Kópavogi Ljósbrot tilnefnd til Kvikmyndaverðlauna Norðurlandaráðs Syrgir gamla íslenska skyrið: „Nánast með verstu menningarglæpum okkar sögu“ Kolfinna leikstýrir kærastanum í annað sinn Opnar femínískt myndlistagallerí í Vesturbænum „Það var tímapunktur sem ég talaði aldrei um neitt“ Sjá meira