Neymar, framherji Barcelona, segist ekki hafa orðið var við kynþáttaníð sem átti að hafa verið beint að honum í Katalóníuslagnum gegn Espanyol um helgina.
Andrés Iniesta, fyrirliði Barcelona, sagði við spænska fjölmiðla eftir markalausa jafnteflið gegn Espanyol að Brasilíumaðurinn varð fyrir barðinu á kynþáttaníði og stúkunni.
„Ég heyrði ekki neitt. Ég læt svona hluti ekki trufla mig. Ég spila bara fótbolta,“ sagði Neymar sjálfur við sjónvarpsstöðina La Sexta.
Joan Collet, forseti Espanyol, hefur engan húmor fyrir ásökunum Iniesta og vísar þeim til föðurhúsanna.
„Ég var þarna líkt og 30.000 aðrir og ekkert gerðist. Það er búið að blása þetta upp vegna þess að einhver einn kallaði eitthvað. Þetta var í heildina ekki neitt og er bara lygi,“ sagði Joan Collet.
Forseti Espanyol segir Iniesta ljúga um kynþáttaníð
Tengdar fréttir
Sakar stuðningsmenn Espanyol um kynþáttaníð í garð Neymar
Fyrirliði Barcelona staðfesti í viðtali við fjölmiðla í gær að leikmenn liðsins hefðu heyrt kynþáttaníðssöngva úr stúkunni en Espanyol var sektað fyrir hegðun stuðningsmanna sinna á Nývangi í haust.
United sagt tilbúið að borga 27 milljarða fyrir Neymar
Riftunarverð Brasilíumannsins eru 140 milljónir punda og Manchester United ætlar að láta á það reyna í sumar.
