Ofurhetjur slá aðsóknarmet

Nýjasta ofurhetjumyndin, Batman v Superman: Dawn of Justice, hefur halað inn 424 milljónir dollara, sem nemur 53 milljörðum íslenskra króna, í aðsóknartekjur úti um allan heim á fyrstu fimm sýningardögunum. Myndin hefur víða slegið aðsóknarmet þrátt fyrir lélega dóma.

Aðsóknartekjur í Bandaríkjunum á fyrstu fimm sýningardögunum námu 170 milljónum dollara, 21 milljarði króna. Engin mynd sem fer í sýningu í mars hefur náð slíkum árangri áður. Auk þess er þetta sjötta stærsta opnunarhelgi sögunnar.

Kostnaður við myndina nam 250 milljónum dollara, eða sem nemur rúmum 30 milljörðum íslenskra króna.