Veitir sýn inn í líf og reynsluheim hinsegin fólks Magnús Guðmundsson skrifar 4. ágúst 2016 11:30 Björn Unnar Valsson ætlar að leiða Hinsegin bókmenntagöngu á vegum Borgarbókasafnsins í kvöld. Visir/GVA Hinsegin dagar standa nú sem hæst og á meðal fjölmargra bráðskemmtilegra viðburða á hátíðinni er hinsegin bókmenntaganga á vegum Borgarbókasafnsins í Reykjavík. Björn Unnar Valsson, verkefnisstjóri hjá Borgarbókasafninu, ætlar að leiða gönguna sem hefst í kvöld kl. 20 en gengið verður frá Grófinni um sögulega staði í borginni. Björn Unnar segir að áætlað sé að gangan taki um 90 mínútur en það verður víða staldrað við og lesnir textar eftir bæði samkynhneigða og gagnkynhneigða rithöfunda og skáld sem veita innsýn í samfélag og líf samkynhneigðra einstaklinga. „Það er nú nokkuð fjölbreyttur hópur höfunda og skálda sem ég ætla að lesa texta eftir í göngunni og þar á meðal má nefna Elías Mar, Málfríði Einarsdóttur, Elías Knörr, Guðberg Bergsson, Sjón, Vigdísi Grímsdóttur, Ingunn Snædal, Hallgrím Helgason og Evu Rún Snorradóttur. Okkur langaði til þess að taka þátt í þessari skemmtilegu og mikilvægu hátíð og erum líka að leggja mikla áherslu á hinsegin bókakost safnsins á sama tíma þannig að það er tilvalið að koma við á safninu í vikunni og kynna sér hvað er í boði. Við höfum verið nokkrum sinnum áður með hinsegin bókmenntagöngu og þetta hefur verið að mælast vel fyrir og svo gætum við þess að vera með nýjungar í ár svo það er ekkert sem mælir á móti því fyrir þá sem hafa komið áður að mæta aftur.“Björn Unnar segir að þrátt fyrir að vera göngustjóri í hinsegin bókmenntagöngunni í ár geti hann ekki stært sig af því að hafa stúderað hinsegin bókmenntir sérstaklega. „Nei, ég get nú ekki sagt það. En ég er sá sem er hvað mest með þessar göngur á minni könnu eins og er. Ég hef reynt að setja mig inn í þetta eins og ég frekast gat og þetta eru góðar bókmenntir sem verða þarna í för með okkur og það er lykilatriði. En ég get til að mynda ekki fullyrt um það hvort og þá hversu mikilvægur hluti af réttindabaráttunni þetta er en ég held að það hljóti að vera mikilvægur hluti af því hvernig utanaðkomandi aðilar, eins og ég sjálfur, geti fengið einhverja sýn á þessa hlið mannlífsins. Auk þess hlýtur það að vera mikilvægt fyrir þá höfunda sem eru hinsegin að geta skrifað um þann reynsluheim og þann hluta lífsins án þess að vera að fela það einhvern veginn. Það er verið að deila reynslu og lífi í bókmenntunum og það kristallast ákaflega vel hér. Ef við lítum á Elías Mar þá var hann ákveðinn brautryðjandi í þessum efnum, lykilhöfundur ef svo má segja, sá fyrsti sem kemur beint fram með sína kynhneigð. Þemað í ár er sagan en í göngunni reynum við að taka soldið úr þessum breiða hópi í þessari löngu sögu. Lesum texta höfunda allt frá Elíasi Mar og yfir í bók sem kom út fyrir aðeins nokkrum mánuðum og heitir Tappi á himninum, eftir Evu Rún Snorradóttur, og vonandi náum við að sýna fram á ákveðna þróun með þessari nálgun. Það kostar ekkert í gönguna og vonandi geta því sem flestir komið og notið þeirra merku og góðu bókmennta sem þarna koma við sögu.“Greinin birtist fyrst í Fréttablaðinu 4. ágúst. Menning Mest lesið Af vængjum fram: Eins og í bíómynd þegar þau byrjuðu loksins saman Lífið Bauð pabba að syngja með sér um íslensku sumargaslýsinguna Tónlist „BOY BYE“ við þá röngu en „BOY HÆ“ við þann rétta Tónlist Líf og fjör á Grímunni Menning Forsetaáskorunin: Áhugatöframaður og hefur safnað skeljum og eldspýtustokkum Lífið Ást Fedru og Saknaðarilmur fengu fern Grímuverðlaun hver Menning Margar konur sem leita á fæðingarheimilin sjálfar á barnsaldri Lífið Sjáðu svartþrestina yfirgefa hreiðrið Lífið Balti var í hesthúsinu þegar Jason Statham hringdi Bíó og sjónvarp „Það er ástæðan fyrir því að ég sagði ekki já á stundinni“ Lífið Fleiri fréttir Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Hinsegin dagar standa nú sem hæst og á meðal fjölmargra bráðskemmtilegra viðburða á hátíðinni er hinsegin bókmenntaganga á vegum Borgarbókasafnsins í Reykjavík. Björn Unnar Valsson, verkefnisstjóri hjá Borgarbókasafninu, ætlar að leiða gönguna sem hefst í kvöld kl. 20 en gengið verður frá Grófinni um sögulega staði í borginni. Björn Unnar segir að áætlað sé að gangan taki um 90 mínútur en það verður víða staldrað við og lesnir textar eftir bæði samkynhneigða og gagnkynhneigða rithöfunda og skáld sem veita innsýn í samfélag og líf samkynhneigðra einstaklinga. „Það er nú nokkuð fjölbreyttur hópur höfunda og skálda sem ég ætla að lesa texta eftir í göngunni og þar á meðal má nefna Elías Mar, Málfríði Einarsdóttur, Elías Knörr, Guðberg Bergsson, Sjón, Vigdísi Grímsdóttur, Ingunn Snædal, Hallgrím Helgason og Evu Rún Snorradóttur. Okkur langaði til þess að taka þátt í þessari skemmtilegu og mikilvægu hátíð og erum líka að leggja mikla áherslu á hinsegin bókakost safnsins á sama tíma þannig að það er tilvalið að koma við á safninu í vikunni og kynna sér hvað er í boði. Við höfum verið nokkrum sinnum áður með hinsegin bókmenntagöngu og þetta hefur verið að mælast vel fyrir og svo gætum við þess að vera með nýjungar í ár svo það er ekkert sem mælir á móti því fyrir þá sem hafa komið áður að mæta aftur.“Björn Unnar segir að þrátt fyrir að vera göngustjóri í hinsegin bókmenntagöngunni í ár geti hann ekki stært sig af því að hafa stúderað hinsegin bókmenntir sérstaklega. „Nei, ég get nú ekki sagt það. En ég er sá sem er hvað mest með þessar göngur á minni könnu eins og er. Ég hef reynt að setja mig inn í þetta eins og ég frekast gat og þetta eru góðar bókmenntir sem verða þarna í för með okkur og það er lykilatriði. En ég get til að mynda ekki fullyrt um það hvort og þá hversu mikilvægur hluti af réttindabaráttunni þetta er en ég held að það hljóti að vera mikilvægur hluti af því hvernig utanaðkomandi aðilar, eins og ég sjálfur, geti fengið einhverja sýn á þessa hlið mannlífsins. Auk þess hlýtur það að vera mikilvægt fyrir þá höfunda sem eru hinsegin að geta skrifað um þann reynsluheim og þann hluta lífsins án þess að vera að fela það einhvern veginn. Það er verið að deila reynslu og lífi í bókmenntunum og það kristallast ákaflega vel hér. Ef við lítum á Elías Mar þá var hann ákveðinn brautryðjandi í þessum efnum, lykilhöfundur ef svo má segja, sá fyrsti sem kemur beint fram með sína kynhneigð. Þemað í ár er sagan en í göngunni reynum við að taka soldið úr þessum breiða hópi í þessari löngu sögu. Lesum texta höfunda allt frá Elíasi Mar og yfir í bók sem kom út fyrir aðeins nokkrum mánuðum og heitir Tappi á himninum, eftir Evu Rún Snorradóttur, og vonandi náum við að sýna fram á ákveðna þróun með þessari nálgun. Það kostar ekkert í gönguna og vonandi geta því sem flestir komið og notið þeirra merku og góðu bókmennta sem þarna koma við sögu.“Greinin birtist fyrst í Fréttablaðinu 4. ágúst.
Menning Mest lesið Af vængjum fram: Eins og í bíómynd þegar þau byrjuðu loksins saman Lífið Bauð pabba að syngja með sér um íslensku sumargaslýsinguna Tónlist „BOY BYE“ við þá röngu en „BOY HÆ“ við þann rétta Tónlist Líf og fjör á Grímunni Menning Forsetaáskorunin: Áhugatöframaður og hefur safnað skeljum og eldspýtustokkum Lífið Ást Fedru og Saknaðarilmur fengu fern Grímuverðlaun hver Menning Margar konur sem leita á fæðingarheimilin sjálfar á barnsaldri Lífið Sjáðu svartþrestina yfirgefa hreiðrið Lífið Balti var í hesthúsinu þegar Jason Statham hringdi Bíó og sjónvarp „Það er ástæðan fyrir því að ég sagði ekki já á stundinni“ Lífið Fleiri fréttir Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira